Tónlistarkennarar samningslausir
Ég var að hlusta á fréttir ekki alls fyrir löngu og þá var sagt að tónlistarkennarar væru ekki með gildan kjarasamning og án hans í þó nokkurn tíma. Ég fæddist á Blönduósi fyrir tæpum 50 árum, ólst upp á bænum Köldukinn í Torfalækjarhreppi. Ég er yngstur af átta systkinum. Á heimilinu var orgel, fótstigið, og var ég ansi öflugur að spila á það sem barn, og hafði tónlist frá eldri bræðrum mínum sem fyrirmynd. Það var Stones, Bítlarnir og Slade.
Þegar ég byrjaði í barnaskólanum á Húnavöllum þá var ég svo heppinn að fá að læra á orgel. Ekki gengu nú æfingarnar hjá mér eins og kennarinn vildi, hann kom með bók og sýndi mér hvernig fingraæfingar ég ætti að æfa, og ég sagði honum að að ég kynni þetta allt, ég vildi bara spila Stones, Bítlana og Slade, en það var nú ekki í boði hjá honum að svo stöddu. Nú liðu árin og ég tók nokkur stigspróf og lét þar við sitja þegar ég var um tólf ára aldur. Enn þann dag í dag spyr ég sjálfan mig þeirrar spurningar hverskonar þolinmæði hafa tónlistarkennarar, hlusta á sömu æfingarnar ár eftir ár, því það eru ekki allir nemendur sem hafa sama “tödsið“ fyrir að spila á hljóðfæri.
Núna í seinni tíð hef ég haft ánægju af því að spila á gítar og þá hef ég eignast nokkra á nokkrum árum. Fyrir nokkru síðan þá áttaði ég mig á því að hljóðfæraeign mín væri orðin meiri en ég þyrfti að eiga, fór ég í það að fækka hjá mér gíturum. Þeir fóru einn af öðrum, og svo var komið að því að ég var með einn gítar sem var góður byrjandagítar. Margir höfðu samband við mig og vildu eignast gripinn,
Og það var einn ungur maður, 12 ára gamall, á sama aldri og ég þegar ég lagði orgel spilið til hliðar, hann kom með móður sinni, skoðaði gripinn, og prófaði hann, leist vel á hann og fór að telja peningana sem hann átti. Ekki var hann með nóg meðferðis en í augum hans sá ég glampa þess eðlis að þarna væri hljóðfæri sem hann vildi. Við gerðum með okkur samkomulag, þannig að hann borgaði mér bara hluta af uppsettu verði, og ég tók af honum loforð um að vera duglegur að æfa sig, og að ég fengi að fylgjast með. Nú liðu nokkrir mánuðir ég var staddur heima um kvöld, þegar dyrabjallan hringdi, fyrir utan var stráksi með gítarinn, sagði mér að hann væri kominn til að uppfylla skuldbindingar sínar. Hann kom inn og spilaði fyrir mig allt sem hann hafði æft, og var það alveg með ólíkindum hvað hann hafði náð miklum árangri á ekki lengri tíma. Ég þakkaði honum fyrir komuna, óskaði honum góðs gengis í framtíðinni og sagði honum enn fremur að hann hefði gert upp allar skuldir við mig.
Með þessari frásögn minni vil ég aðeins vekja athygli á að það er ósk mín að þessi ungi maður þurfi ekki að hafa áhyggjur af því að hann fái ekki kennslu við sitt hæfi af vel menntuðum tónlistarkennurum, og ennfremur vill ég biðja fleiri að taka til í geymslum sínum og ef að einhverjir eiga hluti sem þeir eru ekki að nota, er þá ekki upplagt að láta þá til þeirra sem geta notað þá.
Að lokum skora ég á bekkjarsystur mína úr Húnavallaskóla, Kristínu Ásgerði Blöndal að taka við pennanum og senda inn pistil.
Þorsteinn Kristófer Jónsson
Áður birst í 47. tbl. Feykis
Fleiri fréttir
-
Þakkir á aðventu
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 18.12.2024 kl. 12.25Það var mikil og góð reynsla að fara í gegnum nýafstaðna kosningabaráttu sem oddviti Viðreisnar í Norðvesturkjördæmi. Baráttan var snörp en á sama tíma ótrúlega skemmtileg. Fyrir mig persónulega var brekkan brött þar sem flokkurinn hefur ekki áður náð kjöri í kjördæminu. En ætlunarverkið tókst og ég er afar þakklát fyrir stuðninginn og traustið. Það skiptir miklu máli fyrir Viðreisn að eiga nú þingmenn í öllum kjördæmum. Það mun án efa þroska flokkinn og skilninginn á stöðu hvers landshluta fyrir sig. Skilaboð kjósenda voru skýr – fólkið í landinu er að kalla eftir breytingum. Nú er mikilvægt fyrir nýja ríkisstjórn að svara því kalli með afgerandi hætti.Meira -
Vín frá Spáni á Sauðá í kvöld
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 18.12.2024 kl. 12.15Í dag gefst fólki í Skagafirði og nærsveitum tækifæri til að kynnast vínmenningu Spánar, því í kvöld verður boðið uppá vínkynningu á Sauðá kl:17:15 í dag, miðvikudaginn 18.desember. Feykir hafði samband við Sóleyju sem ætlar að leiða fólk í allann sannleik um spænsku vínin og lagði fyrir hana nokkrar spurningar.Meira -
Skagafjörður áætlar jákvæðan rekstur og miklar framkvæmdir
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 17.12.2024 kl. 15.34Fjárhagsáætlun Skagafjarðar fyrir árin 2025 til 2028 var samþykkt af sveitarstjórn 27. nóvember sl., en með henni er mörkuð stefna um fjárheimildir sviða og stofnana sveitarfélagsins til næstu fjögurra ára, ásamt getu sveitarfélagsins til framkvæmda, viðhalds og niðurgreiðslu skulda. Með fjárhagsáætluninni var einnig samþykkt áætlun um nýfjárfestingar og viðhaldsverkefni á árinu 2025, en nýfjárfestingar hafa aldrei í sögu sveitarfélagsins verið áætlaðar meiri en á komandi ári, eða í heild framkvæmdir upp á tæpan einn og hálfan milljarð.Meira -
Lionsklúbburinn Höfði á Hofsósi styrkir nokkur vel valin félög og verkefni í tilefni af 50 ára afmæli klúbbsins
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf 17.12.2024 kl. 10.01Sunnudaginn sl., þann 15. desember, bauð Lionsklúbburinn Höfði á Hofsósi í opið hús í Höfðaborg. Tilefnið var að klúbburinn var 50 ára og var boðið upp á vöfflur, kaffi og kakó fyrir gesti og gangandi. Ekki nóg með það þá ákvaðu félagar í klúbbnum að styrka nokkur vel valin félög og verkefni á Hofsósi og í Skagafirði og voru eftirfarandi verkefni valin.Meira -
Hver hlýtur titilinn Íþróttamaður ársins í Skagafirði?
feykir.is Skagafjörður, Íþróttir 17.12.2024 kl. 09.26Þann 19. desember nk. mun Ungmennasamband Skagafjarðar (UMSS) og sveitarfélagið Skagafjörður halda sína árlegu hátíðarsamkomu þar sem tilkynnt verður hver hlýtur kosningu íþróttamanns ársins, lið ársins og þjálfara ársins. Á þessari hátíðarsamkomu er öllum þeim sem eru tilnefnir af sínum íþróttafélögum boðaðir og þeim veitt viðurkenningar en einnig fá þeir krakkar sem hafa verið tilnefnd til Hvatningarverðlauna UMSS sínar viðurkenningar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.