Sýnataka Heilbrigðiseftirlitsins leiddi ekkert óeðlilegt í ljós
Raki í húsnæði yngra stigs leikskólans Ársala á Sauðárkróki hefur valdið áhyggjum nokkurra foreldra sem óttast að þar kunni að vera myglusveppur. Í Feyki vikunnar er fjallað um fundi sem boðað var til með foreldrum vegna þessa, þar sem foreldrar voru upplýstir um stöðu mála, fyrirhugaðar aðgerðir leikskólans og sveitarfélagsins sem og niðurstöður úr sýnatöku Heilbrigðiseftirlitsins.
Fyrri fundurinn var haldinn þann 25. febrúar og hefur verið greint frá honum áður hér á feyki.is. Seinni fundurinn fór fram sl. þriðjudag og þar gerði Sigurjón Þórðarson heilbrigðisfulltrúi grein fyrir niðurstöðum úr sýnatöku sem hann gerði með svokölluðum agarskálum með næringaræti sem hann hafði komið fyrir á hverri deild á leikskólanum. Þar sem myglusveppur er til staðar leyna sveppagróin sér ekki auðveldlega í andrúmsloftinu og sagði Sigurjón að ef hún væri til staðar í rýminu myndi hún detta í skálina. Niðurstöður sýnatökunnar bentu til að það er ekkert óeðlilegt við andrúmsloft leikskólans.
Sumir foreldrar voru ekki fyllilega sáttir við þessa niðurstöðu og vildu fá nánar úr því skorið hvort myglusveppur leynist undir gólfefnum deildarinnar Læk og vildu láta kalla til sérfræðing. Nafn Guðríðar Gyðu Eyjólfsdóttur sveppafræðings var nefnt í því samhengi. Á fundinum fullvissaði Sólveig Arna Ingólfsdóttur aðstoðarleikskólastjóri foreldra að öll nauðsynleg skref yrðu tekin til þess að tryggja öryggi og heilsu barnanna. Hún sagði að það sama væri upp á teningnum hjá sveitarfélaginu, og að hún hefði orð forsvarsmanna sveitarfélagsins fyrir því, að engu yrði til sparað í þeim efnum.
Eftir að hafa skoðað mynd af meintum myglusvepp, sem foreldri barns úr leikskólanum sendi henni, ráðleggur Guðríður Gyða Eyjólfsdóttir sveppafræðingur hjá Náttúrufræðistofnun Íslands að tekið verði sýni úr dúknum. Þegar Feykir spurði hana hvort sýnatakan sem framkvæmd var dugi ekki svaraði Guðríður að hún styðji vissulega þá niðurstöðu að engir myglusveppir séu til staðar en að það sé ekki óyggjandi. Viðtal við Guðríði og umfjöllunina í heild sinni má lesa í Feyki vikunnar.
Fleiri fréttir
-
"Finnst mjög gaman að skapa fyrir barnabörnin"
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni, Handverk 26.12.2024 kl. 13.58Helga Þorbjörg Hjálmarsdóttir fædd og uppalinn á Tunguhálsi ll í Tungusveit býr með Guðmundi Guðmundssyni frá Fossum í Svartárdal á Lækjarbrekku á Steinsstöðum. Þau byggðu sér hús þar árin 1994-1995 og ólu upp sín fjögur börn sem öll eru flogin úr hreiðrinu, eiga sjö barnabörn og eitt á leiðinni. Helga starfar sem stuðningsfulltrúi í Varmahlíðarskóla og við heimaþjónustu í Skagafirði.Meira -
Aðsend Jólasaga - „Anna litla og tuskudúkka“ | Rúnar Kristjánsson
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 26.12.2024 kl. 13.00Anna litla sat úti í einu horninu á litlu lóðinni kringum húsið og lék sér með tuskudúkkuna sína. Það var sólskin og blíða og hún var þarna ein að dunda sér. Henni fannst svo mikils virði að fá að vera í friði með sín hugðarefni. Það var svo sjaldan hægt að fá frið, því systkinin voru mörg og oft svo hávaðasamt á heimilinu. Eldri bræður hennar þóttust orðnir heilmiklir karlar og litu á hana sem smábarn og stóra systir gat stundum verið svo mikil skessa við hana. Önnu litlu fannst hún oft vera ein í heiminum. Það var eins og enginn skildi hana eða vildi gefa sér tíma til að sinna henni.Meira -
Héldu glöð, ánægð og hrærð út í kvöldhúmið
feykir.is Skagafjörður, Lokað efni 25.12.2024 kl. 10.00Kirkjukór Glaumbæjarprestakalls lagði land undir fót í aðdraganda aðventu í byrjun nóvember og hélt til Þýskalands til að syngja á menningarnótt í Rheinsberg þar í landi. Ferðin var farin ári á eftir áætlun og Feykir hafði samband við Gunnar Rögnvaldsson á Löngumýri og bað hann að segja okkur ferðasöguna.Meira -
Fyrst New York Times og nú Feykir
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.12.2024 kl. 09.00Ragnheiður Sjöfn Jóhannsdóttir er fædd á Landsspítalanum að morgni 27. júlí 1955 og flaug sína fyrstu flugferð tíu daga gömul til Sauðárkróks, með kjörforeldrum sínum, en hún er kjördóttir þeirra Jóhanns Sólbergs Þorsteinssonar mjólkursamlagsstjóra og Áslaugar Sigfúsdóttur og hefur verið Sauðkrækja síðan. Ragnheiður segist þurfa að búa á landsbyggðinni og bjó lengi í Borgarnesi og svo Mosfellsbæ áður en hún flutti á Hvammstanga þar sem hún býr í dag með manni sínum Guðmundi Hauki Sigurðssyni.Meira -
Gleðileg jól
feykir.is Skagafjörður, Austur-Húnavatnssýsla, Vestur-Húnavatnssýsla 24.12.2024 kl. 18.00Steikin inn í ofninum og spennan stöðugt vex, allir bíða eftir því að klukkan slái sex, eins og segir í textanum, nú þarf ekki lengur að bíða þess og óskar Feykir lesendum og landsmönnum öllum gleðilegra jóla og farsældar á komandi ári með kærri þökk fyrir það liðna.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.