Níu stigu á svið á Open Mic kvöldi Leikfélags Blönduóss
Að kvöldi sumardagsins fyrsta stóð Leikfélag Blönduóss fyrir viðburði í fallega leikhúsinu sínu í Félagsheimilinu á Blönduósi. Þar var um að ræða svokallað Open Mic og var öllum velkomið að taka þátt; flytja ljóð, segja skemmtilega sögu, syngja lag, fara með einræðu eða upplestur fyrir framan áhorfendur.
Feykir spurði Eva Guðbjartsdóttur, forynju LB, aðeins út í viðburðinn.
Hvað er Open Mic? „Open Mic kvöldið okkar er partur af leikrænni menningarröð sem Leikfélag Blönduóss hefur verið að setja á laggirnar á þessu ári þar sem við fengum styrk frá hinum frábæra Uppbyggingarsjóð Norðurlands vestra. Við kölluðum eftir áhugasömu fólki til að koma og flytja erindi, sögu, ljóð, syngja lag eða hvað sem fólki datt í hug.
Hvernig var þátttakan og hvernig tókst til? „Á þessu fyrsta Open Mic kvöldi stigu níu einstaklingar á svið sem bæði komu með fyrirfram ákveðin atriði og eins bættist í þegar leið á kvöldið. Það mættu ekki margir í sal fyrir utan þátttakendur en vonandi verða þessi kvöld reglulega hjá leikfélaginu og við getum eflt bæði fleiri til að taka þátt og að lokka fleiri áhorfendur í okkar dýrðlega leikhús.
Hvað er framundan? „Leikfélagið er með ýmislegt í pípunum, fleiri svona kvöld, gesta brúðuleikhús, hæfileikakeppni og 80 ára afmæli félagsins svo eitthvað sé nefnt. Svo fylgist með, takið þátt og eflið menningu á Norðurlandi!“ segir Eva.
Hægt er að kíkja á fleiri myndir og myndbönd (mest í ummælum við færsluna) frá viðburðinum á Facebook-síðu Leikfélags Blönduóss >
Fleiri fréttir
-
Sandgerðingar sóttu gull í greipar Húnvetninga
feykir.is Austur-Húnavatnssýsla, Íþróttir, Vestur-Húnavatnssýsla 12.05.2024 kl. 14.07Húnvetningar léku annan leik sinn í 2. deildinni í knattspyrnu í gær og var leikið á Dalvík þar sem Sauðárkróksvöllur er ekki í lagi. Ekki reyndist þessi flutningur yfir í Eyjafjörð liði Kormáks/Hvatar happadrjúgur því lið Reynis hafði betur í leiknum og fór heim í Sandgerði með þau þrjú stig sem voru til skiptanna. Lokatölur 1-3.Meira -
Rabb-a-babb 225: Kristrún Frosta
feykir.is Skagafjörður, Rabb-a-babb 12.05.2024 kl. 11.34Það eru örugglega ekkert allir sem vita að Kristrún Frostadóttir, formaður Samfylkingarinnar – jafnaðarflokks Íslands, rekur ættir sínar í Lýtingsstaðahreppinn. Það var því upplagt að plata hana í að svara Rabb-a-babbi. Kristrún er fædd í maí 1988 en þá var Bítlalagið With a Little Help From My Friends í flutningi Wet Wet Wet á toppi breska vinsældalistans og Perfect með Fairground Attraction í öðru sæti.Meira -
Kemst langt á ákveðni og einbeitingu
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 11.05.2024 kl. 17.51Saga Ísey Þorsteinsdóttir frá Hvammstanga er ansi efnileg knattspyrnustúlka. Hún er nýlega orðin 16 ára gömul en hefur skorað grimmt í gegnum tíðina. Síðasta sumar gerði hún 16 mörk fyrir 3. flokk Tindastóls/Hvatar/Kormáks sem náði fínum árangri á Íslandsmótinu og þrátt fyrir að hún spilaði upp fyrir sig, 15 ára síðasta sumar, þá gerði hún 13 mörk fyrir 2. flokk THK. Svo er Saga Ísey líka í Skólahreystisliði Grunnskóla Húnaþings vestra sem er komið í úrslitin.Meira -
Strandveiðin komin á fullt
feykir.is Skagafjörður, Austur-Húnavatnssýsla, Ljósmyndavefur, Vestur-Húnavatnssýsla 11.05.2024 kl. 12.20Þann 2. maí hófst strandveiðitímabilið en það gefur smábátaeigendum leyfi til að veiða í 48 daga yfir fjóra mánuði sem gera 12 daga í hverjum mánuði. Síðastliðin tvö ár hefur reyndar veiðin verið stöðvuð í byrjun/miðjan júlí og eru strandveiðimenn alls ekki sáttir við það og segja að stöðva þurfi yfirgang stórútgerðarinnar í að sölsa undir sig veiðiheimildir sem ætlaðar hafa verið til að efla hinar dreifðu byggðir. Strandveiðin byrjaði mjög vel og segir á mbl.is að á fyrsta degi lönduðu 402 strandveiðisjómenn 336,4 tonnum á öllu landinu. Þar af voru 312,6 tonn af þorski, 752 kíló af gullkarfa, 4,4 tonn af ufsa, samkvæmt gögnum sem Fiskistofa gaf út.Meira -
Eldri borgarar í Húnaþingi vestra gerðu gott mót
feykir.is Íþróttir, Vestur-Húnavatnssýsla, Mannlíf 11.05.2024 kl. 08.46Þrjár sveitir frá Félagi eldri borgara í Húnaþingi vestra tóku í gær þátt í Vesturlandsmótinu i boccia sem fram fór í Snæfellsbæ. „Í fyrsta skipti náði lið frá okkur í úrslit, vann sinn riðil og endaði í 4. til 6. sæti,“ segir í frétt á Facebook-síðu félagsins. Það voru níu manns sem tóku þátt í mótinu fyrir hönd eldri borgara í Húnaþingi vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.