Mamma mia í Varmahlíðarskóla
„Þetta var bara eins og á Stuðmannaballi í gamla daga“ heyrðist einn ánægður áhorfandinn segja í troðfullum Miðgarði nú fyrir skömmu þegar eldri bekkir Varmahlíðarskóla héldu sína árlegu árshátíð.
Hefur sá siður verið lengi við líði í skólanum að hefja skólastarf eldri nemenda á nýju ári með tveggja vikna undirbúningi þar sem hefðbundin tímasókn víkur fyrir stífum leikæfingum. Mörg þekkt leikverk hafa þannig verið tekin fyrir í gegnum tíðina og margir leiksigrar verið unnir. Að þessu sinni var ekki ráðist á garðinn þar sem hann var lægstur en tekist á við hinn sívinsæla söngleik Mamma mía sem byggður er á ódauðlegri tónlist ABBA flokksins sænska. Einhverjum kann að þykja djarft að unglingar séu látin fikta við þetta stórstykki á sama tíma og það gengur mánuð eftir mánuð fyrir fullu Borgarleikhúsi sem kallað gæti á óheppilegan samanburð. En slíkur samanburður var þá bara atvinnuleikhúsinu í óhag.
Þessi gríðar fjölmenna sýning nemendanna var ekkert minna en stórsigur á alla mælikvarða. Að geta á tveimur vikum skilað hálfs annars tíma leik, söng og dansverki hnökralausu, fullu af gleði, góðri framsögn og framúrskarandi söng og leiksenum á í rauninni ekki að vera hægt. En undir styrkri leikstjórn Helgu Rósar Sigfúsdóttur og með frábærlega hagalegri sviðsmynd Írisar í Flatatungu og ekki síst einvala liði leikara tókst það nú samt. Þær eru enda engir nýgræðingar og hafa skilað mörgum verkum í höfn. Erfitt er að gera upp á milli leikara og í raun ósanngjarnt því þarna var staðfest það sem oft hefur sést að hið ófyrirséða gerist. Hlédrægi unglingurinn blómstrar í einræðu, sá feimni syngur eins og engill og tímasetningar annars geirnegla fyndnu senuna. Með öðrum orðum getur sjálfstraust og virðing fyrir sjálfum sér og öðrum breyst til lífstíðar í einum vetfangi. Og þá hefur vel tekist til. Það hefur nefnilega verið stefna leikstjórans að allir eru með með einum eða öðrum hætti og þá koma töfrarnir...
Greinilegt var að mikil eftirvænting var fyrir sýningunni því gestir komu víða að, innan og utan héraðs og sátu í gluggakistunum væri annað ekki í boði. Undirtektirnar voru líka stórkostlegar og svo miklar að leikritið var sýnt að nýju fyrir nær fullu húsi á fimmtudaginn 20. janúar.
Til hamingju Varmahlíðarskóli ....Mamma mia.......
Gunnar Rögnvaldsson
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.