Leikjum ýmist frestað eða þeir færðir til
Samkvæmt heimildum Feykis hentaði það ekki Árbæingum að skipta á heimaleikjum, að spila fyrri leik liðanna í Árbænum og þann seinni á Króknum. Því fer leikurinn fram á Greifavellinum á KA-svæðinu á Akureyri kl. 16:00.
Lið Tindastóls fékk spennandi heimaleik í 16 liða úrslitum í Mjólkurbikar kvenna því til stóð að markamaskínan Sandra María Jessen og stöllur hennar í liði Þórs/KA kæmu á Krókinn laugardaginn 18. maí. Eftir skoðun SAS-ara á gervigrasvellinum í vikubyrjun er hljóðið í mönnum á þann veg að minni líkur en meiri séu á því að völlurinn verði klár fyrir þann leik. Vonir stóðu til þess að völlurinn gæti orðið klár í tíma en þau mál gætu skýrst í dag.
Á laugardag stóð einnig til að fram færi leikur Kormáks/Hvatar og Sandgerðar-Reynis í 2. deild Íslandsmótsins en þegar Feykir hafði samband við Ingva Rafn, þjálfara K/H, í gær var verið að vinna í að finna annan leikvöll og tjáði hann Feyki að það verði annað hvort spilað á KA vellinum eða á Dalvík. Niðurstaðan er sú að leikurinn verður á Dalvíkurvelli á laugardag og hefst kl. 15:00..
- - - - -
SAS-arar = Sérfræðingar að sunnan
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.