Kindur sóttar á fjöll í dag
feykir.is
Skagafjörður
19.01.2017
kl. 10.56
Þessar kindur höfðu skilað sér á réttum tíma og koma fréttinni ekki beint við. Mynd:PF.
Eitthvað hefur verið um það að kindur hafi haldið sig á afréttum Skagfirðinga í vetur og segir Arnór Gunnarsson þjónustufulltrúi landbúnaðarnefndar Svf. Skagafjarðar það gengið mjög misjafnlega að ná fé úr afrétt eftir síðustu göngur. Menn geri þó sitt besta til að ná þessum kindum ef fréttist af þeim.
Arnór segir að vitað sé um fjórar kindur vestur á Víðidal og verða þær sóttar í dag ef veðurspá gengur eftir. „Tvær kindur voru sóttar á Miðdalinn um síðustu helgi. Ég hef heyrt að kindur hafi verið að heimtast í framdölum upp á síðkastið,“ segir Arnór sem telur að ástandið sé ekki neitt verra en áður. „Ef bændur mundu farga þessum kindum sem heimtast eftir síðustu leitir mun þetta vandamál minnka smá saman. Oftar en ekki eru þetta sömu skjáturnar sem komast upp á lag með að sleppa“.
Fleiri fréttir
-
Metfjöldi nemenda í sögu skólans
feykir.is Skagafjörður, Austur-Húnavatnssýsla, Vestur-Húnavatnssýsla, Fréttir 21.09.2024 kl. 09.00Á þessari haustönn hófu 800 nemendur nám við Fjölbrautaskóla Norðurlands vestra að fjarnemum meðtöldum og er þetta metfjöldi í sögu skólans. Skólinn býður upp á afar fjölbreytt nám bæði bóklegt og verklegt. Boðið er upp á fimm námsbrautir til stúdentsprófs, sex iðnnámsbrautir og sex starfsnámsbrautir auk starfsbrautar. Það nýjasta í þessum efnum er nám í bifvélavirkjun, rafveituvirkjun og kvikmyndagerð. Feykir hafði samband við Þorkel V. Þorsteinsson, Kela, aðstoðarskólameistara FNV og lagði fyrir hann örfáar spurningar.Meira -
Ljósleiðaravæðing landsins undirrituð
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 15.37Háskóla-, iðnaðar- og nýsköpunarráðherra og innviðaráðherra staðfestu í gær samninga fjarskiptasjóðs við 25 sveitarfélög um að ljúka ljósleiðaravæðingu landsins fyrir árslok 2026. Lengi hefur ríkt óvissa um hvort, og þá hvenær, mörg þúsund lögheimili í þéttbýli um land allt munu eiga kost á háhraðanetsambandi, sem er mikilvægt öryggismál og undirstaða nútíma búsetugæða. Með þessum samningum er sú óvissa ekki lengur fyrir hendi.Meira -
Á himni lækkar sólin
feykir.is Skagafjörður, Austur-Húnavatnssýsla, Vestur-Húnavatnssýsla 20.09.2024 kl. 13.27Ekki getum við kvartað undan veðrinu í dag! Eftir talsverðan veðurhasar síðustu vikur þar sem skipst hafa á skin og skúrir – en þó aðallega skúrir – þá virðast rólegheitin ætla að verða aðal heitin næstu daga. Vindurinn virðist hafa lagst til hvíldar, í það minnsta kominn í langt helgarfrí, en hitastigið næstu fjóra daga virðist eiga að rokka á milli 0-10 gráður að meðaltali.Meira -
Stólarnir spila undanúrslitaleik á Reyðarfirði á morgun
feykir.is Skagafjörður, Íþróttir 20.09.2024 kl. 11.26Karlalið Tindastóls er ekki enn alveg komið í frí frá fótboltanum en strákarnir spila á morgun, laugardaginn 21. september, við lið KFA í Fjarðabyggðarhöllinni á Reyðarfirði í undanúrslitum Fótbolta.net bikarsins. „Leikurinn leggst mjög vel í okkur, erum búnir að bíða í tvær vikur svo menn eru klárir í þetta,“ sagði Sverrir Hrafn Friðriksson, fyrirliði Tindastóls, þegar Feykir hafði samband.Meira -
Þetta er ekki allt að koma með fjárlagafrumvarpinu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 20.09.2024 kl. 10.50Fjárlagafrumvarp næsta árs var lagt fram á Alþingi í sl. viku. Fjármálaráðherra kynnti það undir yfirskriftinni „Þetta er allt að koma“. Af frumvarpinu má ráða að við eigum að bíða frekari áhrifa stýrivaxta Seðlabankans og vona að verðbólgumarkmiði bankans um 2,5% árlega verðbólgu verði náð sem er óvíst. Ríkisfjármálunum er ekki beitt markvisst til að ná niður verðbólgu, hvorki til að draga úr þenslu og peningamagni í umferð né til að mæta mikilli eftirspurn eftir húsnæði á viðráðanlegu verði á tímum fordæmalausrar íbúafjölgunar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.