Stóra upplestrarkeppnin
Stóra upplestrarkeppnin í Skagafirði var haldin í gær í sal Fjölbrautaskóla Norðurlands vestra. Allir grunnskólarnir í firðinum sendu fulltrúa í keppnina, frá Árskóla komu átta keppendur, frá Varmahlíðarskóla þrír og einn frá Grunnskólanum austan Vatna.
Í upphafi greindi Laufey Leifsdóttir, umsjónarmaður keppninnar í héraði, frá því að þetta er í 17. skiptið sem þessi keppni er haldin hér. Undirbúningur keppninnar hefst á Degi íslenskrar tungu þann 16. nóvember og fá allir nemendur 7. bekkjar markvissa þjálfun í upplestri og framsögn þar til fulltrúar skólanna hafa verið valdir en það er venjulega gert í lok febrúar eða byrjun mars. Þannig snýst þetta verkefni fyrst og fremst um þjálfun allra nemenda þó nokkrir séu svo valdir að lokum til að keppa sem fulltrúar síns skóla.
Nemendur lásu brot úr sögu Andra Snæs Magnasonar, Bláa hnettinum, því næst ljóð eftir Steinunni Sigurðardóttur og loks ljóð að eigin vali.
Nemendur frá Tónlistarskóla Skagafjarðar sáu um tónlistarflutning.
Það var Jón Pálmason úr Árskóla sem hafnaði í fyrsta sæti í keppninni, í öðru sæti varð Íris Helga Aradóttir, Árskóla og í þriðja sæti varð Einar Kárason frá Varmahlíðarskóla.
Allir þátttakendur fengu sérprentaða ljóðabók eftir Steinunni Sigurðardóttur í viðurkenningarskyni frá Félagi íslenskra bókaútgefenda. Auk þess fengu verðlaunahafar peningagjöf.
Til hamingju með árangurinn krakkar.
Fleiri fréttir
-
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira -
Þráði að verða ballettdansari
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 18.16Guðmundur Hrafn Arngrímsson er 51 árs, faðir fimm barna á aldrinum 6-26 ára. Er frá Seljanesi við Ingólfsfjörð og ólst upp í Bolungarvík. Guðmundur er oddviti Sósíalista í Norðvestur kjördæmi. Guðmundur hefur haldið heimili í Reykjavík og búið þar að mestu leyti frá því hann flutti heim úr námi árið 2007. Síðustu 15 árin hefur hann starfað við landslagshönnun, torf- og grjóthleðslur og fræðslu og kennslu í útinámi, samhliða því hef hann undanfarin þrjú ár verið for-maður Leigjendasamtakana.Meira -
Miðflokkurinn opnar kosningaskrifstofu á Sauðárkróki
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 15.49Miðflokkurinn opnar kosningaskrifstofu á Mælifelli ,Aðalgötu 7 Sauðarkroki, laugardaginn 23. nóvember kl. 20.00. Allir eru velkomnir.Meira -
Flutti frá Eyjum gosnóttina
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 22.11.2024 kl. 10.02Eyjólfur Ármannsson er oddviti Fólks flokksins í Norðvesturkjördæmi. Eyjólfur er fæddur í Vestmannaeyjum, sonur hjónanna Guðjóns Ármanns Eyjólfssonar frá Vestmannaeyjum og fv. skólastjóra Stýrimannaskólans í Reykjavík og Aniku Jónu Ragnarsdóttur, húsmóður og sjúkraliða. Hann er þriðji í röð fjögurra systkina. Gosnóttina flutti fjölskyldan frá Eyjum til Reykjavíkur þegar hann var þriggja og hálfs og ólst hann þar upp.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.