Beint í æð í Bifröst - Myndband
Sæluvikustykki Leikfélags Sauðárkróks að þessu sinni er farsinn Beint í æð eftir Ray Cooney sem Gísli Rúnar Jónsson þýddi. Blaðamaður hitti formann leikfélagsins ásamt leikstjóra í kaffispjalli í bakaríinu og forvitnaðist um hvers er að vænta. Leikstjóri verksins, Jóel Ingi Sæmundsson, hefur áður komið við sögu hjá Leikfélagi Sauðárkróks en fyrir þremur árum setti hann upp leikritið Rjúkandi ráð með félaginu. Jóel útskrifaðist úr leiklistarnámi í Bretlandi árið 2009 og hefur síðan þá unnið að ýmsum verkefnum í leikhúsi, sjónvarpi, auglýsingum og fleiru og hefur undanfarið unnið mikið við að gera barnasýningar fyrir leikskóla. Jóel segir að sér þyki gott að vera á Króknum þar sé í raun hægt að gera flest sem mann langar til.
Sigurlaug Dóra Ingimundardóttir er formaður leikfélagsins. Hún segir bæði verkefni vetrarins hafa verið valin á haustfundi og tekin ákvörðun um leikstjóra. Lagt hafi verið upp með að taka gamanleikrit til sýningar og farsi eftir Ray Cooney hafi þótt góður kostur enda hefur leikfélagið áður sett up verk eftir hann.
En skyldi ekki vera erfitt að manna verk hjá áhugaleikfélagi sem setur upp tvær sýningar á ári?
„Nei, það gekk ágætlega og komust í raun færri að en vildu,“ segir Sigurlaug. „Helstu vandræðin voru þau að leikararnir væru helst til of ungir fyrir karakterana í verkinu en þetta sleppur samt alveg.“
Allir leikararnir sem verða á sviðinu núna hafa leikið áður með leikfélaginu, með mismikla reynslu þó. Guðbrandur Guðbrandsson, sá margreyndi leikari, fer með hlutverk læknisins sem er vendipunkturinn í verkinu en alls eru hlutverkin ellefu í höndum jafnmargra leikara. Í heildina koma um 30 manns að sýningunni á einhvern hátt.
Beint í æð er dæmigerður farsi eins og þeir gerast bestir. „Leikritið fjallar um lækni sem er að fara að halda ræðu lífs síns fyrir framan 30 erlenda taugasérfræðinga þegar í ljós kemur að hann á barn, 17 ára unglingsstrák, sem er í mikilli tilvistarkreppu og er að leita að föður sínum,“ segir Jóel. „Læknirinn er ekki alveg í stakk búinn til að takast á við þessar fréttir á staðnum, hann er að fara upp á svið að halda sína ræðu svo hann reynir að ljúga sig út úr þessu sem leiðir til meiri lygi. Hann er giftur en og svo kemur önnur kona í spilið, gamalt viðhald, sem bankar upp á og hann þarf að spinna sig út úr vandræðunum. Þetta fjallar um lygina, ein lygi kallar á aðra. Þetta er þessi týpíski farsi, fullur af misskilningi og lygi og framhjáhaldi og ást. Það sem er sérstakt við þetta leikrit er að það gerist á tveimur tímum, þ.e. á jafnlöngum tíma og verkið tekur í sýningu, frá 10:45 til 12:45 að morgni. Við ætlum samt ekki að hafa morgunsýningar,“ bæta þau við .
Leikhúsgestir mega sem sagt vænta bestu skemmtunar í Bifröst eða eins og Sigurlaug segir, „þetta snýst um að vera nýpissaður og með vatnsheldan maskara.“ /FE
Hér fyrir neðan má sjá sýnishorn af því sem gerist á fjölum Bifrastar en vídeóið var tekið á æfingu í gær.
Fleiri fréttir
-
Ljós víða tendruð um helgina
feykir.is Skagafjörður, Austur-Húnavatnssýsla, Vestur-Húnavatnssýsla, Mannlíf, Lokað efni 26.11.2024 kl. 09.35Aðventan hefst um helgina og víða verða ljós tendruð á jólatrjám, margur maðurinn reyndar löngu búinn að skreyta hús sín og væntan-lega margir sem taka til við það næstu daga.Meira -
Björgunarsveitin Strönd aðstoðaði fasta ökumenn á Þverárfjalli
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 26.11.2024 kl. 09.02Seint í gærkvöldi var björgunarsveitin Strönd á Skagaströnd kölluð út vegna sex bíla sem sátu fastir í snjó á Þverárfjalli. Í tilkynningu frá Landsbjörg segir að björgunarsveitarfólk hafi farið úr húsi rétt um hálf tólf og var búið að losa alla bíla um 50 mínútum síðar.Meira -
Hefur gaman af því að tala og vera í félagsskap annarra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 17.01Arna Lára Jónsdóttir er Vestfirðingur, borin og barnfædd Ísfirðingur, þar sem hún hef búið mest megnið af sínu lífi fyrir utan námsárin í Reykjavík og Kaupamannahöfn. Sambýlismaður hennar er Ingi Björn Guðnason og eiga þau þrjú börn, Hafdísi, sem stundar doktorsnám í efnafræði í Bretlandi, Helenu, sem er í stýrimannaskólanum og Dagur, sem býr enn í foreldrahúsum. Arna er bæjarstjóri Ísafjarðarbæjar og tekur nú oddvitasæti Samfylkingar í Norðvesturkjördæmi.Meira -
Heilbrigðisþjónusta utan lögheimilis – Mismunun og kostnaður foreldra
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 25.11.2024 kl. 15.38Nú er verið að ganga til kosninga og því vill ég nýta tækifærið til að vekja athygli á mikilvægi heilbrigðisþjónustu utan lögheimilis, sérstaklega þegar kemur að þjónustu fyrir börn, kostnaður og álag á fjölskyldur sem þurfa að ferðast langar leiðir til að leita eftir heilbrigðisþjónustu. Kerfið þarf að bæta og tryggja að allar fjölskyldur, óháð búsetu, fái sanngjarna meðferð þegar kemur að aðgengi að heilbrigðisþjónustu.Meira -
„Mamma vissi að ég yrði kennari“
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 25.11.2024 kl. 09.53Álfhildur Leifsdóttir er oddviti VG í Norðvestur kjördæmi í komandi kosningum. Álfhildur er einstæð móðir 11, 17 og 18 ára snillinga og á að auki einn afar vel heppnaðan tengdason. Hún er frá Keldudal í Skagafirði og ólst þar upp við bústörf en undanfarin ár hefur Álfhildur og fjölskyldan búið á Sauðárkróki. Þar kennir hún við Árskóla og er sveitarstjórnarmaður hjá Skagafirði og óhætt að segja að boltarnir hennar Álfhildar séu fleiri sem hún heldur á lofti.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.