Góður árangur þrátt fyrir erfiðar aðstæður í skeiðkeppninni
Skeiðmót Meistaradeildar KS fór fram á Sauðárkróki fyrr í dag. Í frétt á Facebook-síðu deildarinnar segir að náðst hafi flottir tímar miðað við árstíma og veður og ekki margir sprettir sem klikkuðu. Sigurvegarar í 150m skeiði reyndust Agnar Þór Magnússon og Kastor frá Garðshorni frá Þelamörk sem fóru brautina á tímanum 14,7 sek. Þá var einnig keppt í gæðingaskeiði og við erfiðar aðstæður voru það Klara Sveinbjörnsdóttir með Gletti frá Þorkelshóli sem sigruðu.
Í öðru sæti í 150 metra skeiði, rétt á eftir þeim Agnari Þór og Kastor, var Guðmar Hólm Líndal með hryssuna sína Alviðru frá Kagaðarhóli á tímanum 14.73. „Í þriðja sæti var villiköttur greinarinnar, Konráð Valur Sveinsson og Kjarkur frá Árbæjarhjáleigu II á tímanum 14.77, í því fjórða Daniel Gunnarsson og Kló frá Einhamri 2 á tímanum 14.94 og Þórarinn Ragnarsson og Bína frá Vatnsholti í því fimmta á tímanum 15.02,“ segir í fréttinni.
Það var Dýraspítalinn Lögmannshlíð sem sigraði liðakeppnina í 150 skeiðinu með 65 stig. Liðsmenn þeirra voru Agnar Þór, villkötturinn Konráð Valur og Höskuldur Jónsson.
Gæðingaskeið
Aðstæður voru erfiðar þegar keppni fór fram í gæðingaskeiði en sem fyrr segir voru það Klara og Glettir frá Þorkelshóli sem fóru með sigur af hólmi. Í öðru sæti voru Þórarinn Eymunsson og Þráinn frá Flagbjarnarholti og í því þriðja Vignir Sigurðsson og Sigur frá Bessastöðum. Agnar Þór Magnússon og Kastor frá Garðshorni á Þelamörk voru í því fjórða og í fimmta Daníel Gunnarsson og Strákur frá Miðsitju.
Uppsteypa sigraði liðakeppnina í gæðingaskeiðinu með 59 stig en liðsfélagarnir Vignir, Þorsteinn og Elvar Logi voru allir í topp 10.
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.