Peningaþvottur ehf tekur til starfa
Álfur Ásláksson stofnaði á dögunum nýtt fyrirtæki á Sauðárkróki, Peningaþvottur ehf. Hugmyndina fékk Álfur snemma á þessu ári þegar hann heyrði mikið rætt um peningaþvætti og að hinir og þessir væru að stunda þá iðju. „Af hverju ekki ég,“ sagði Álfur við Dreifarann þegar slegið var á þráðinn til að forvitnast meira um hið nýja fyrirtæki.
„Ég var á fullu að leita mér að fjárfestingartækifærum eftir að mér áskotnaðist arfur eftir mömmu gömlu. Sá síðan fréttir í sjónvarpinu um að menn væru að græða á tá og fingri við að þvo peninga og ég ákvað því að skella mér á markaðinn í þessari atvinnugrein og hef fjárfest í vélum og búnaði til þess að geta nú þvegið peninga almennilega fyrir fólk.“
En hvernig hafa viðskiptin verið hingað til? „Þetta hefur nú farið rólega af stað, ég hef mest svona verið að þvo peninga fyrir fjölskyldumeðlimi. Doddi bróðir kom með nokkra þúsundkalla sem hann hafði hellt olíu yfir í vinnunni og þeir voru skínandi og eins og nýir á eftir, þannig að maður hefur greinilega góðar græjur og góð tök á þessum þvotti. Svo hafa verið að koma fyrirspurninr frá Litháen og Póllandi, um svona „money laundry“ eins og þetta heitir víst á enskunni, en ég hef nú ekki ætlað í neina útrás. En þá sögðu þeir bara að þeir myndu senda mér peningana og hvort það skipti nokkru máli fyrir mig hvort þeir kæmu í kössum með tréklossum. En ég sagði að það skipti engu máli, þó ég viti ekkert hvað ég geri við þessa klossa, ætli ég sendi þá ekki aftur bara út með peningunum þegar ég er búinn að þvo þá?“ sagði Álfur Ásláksson að lokum.
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.