Jóhannes vill skipta um nafn á Hegranesi
Jóhannes Ólsen húsvörður og harmonikuleikari er áhugamaður um örnefni. Á dögunum datt honum í hug að sækjast eftir því að fá ákveðnu örnefni í Skagafirði breytt og hyggst hann leggja inn umsókn til Örnefnanefndar Norðurlands vestra innan skamms. Dreifarinn hitti Jóhannes og spurði hann út í málið.
Hvað er í gangi Jóhannes, þú vilt breyta örnefni? –Já, ég sakna þess sem sérstakur áhugamaður um örnefni að hér á þessu svæði eru fá örnefni með mínu... já með mínu nafni svo ég segi það nú bara hreint út.
Og hvaða örnefni er þetta sem þú vilt breyta? –Mér sýnist hagstæðast og að það valdi minnstri röskun að láta breyta nafninu Hegranes í Jóhannes. Ef þetta gengur í gegn, sem ég geri mér nokkrar vonir um, mun ég að sjálfsögðu krefjast til að mynda endurútgáfu á fimmta bindi Byggðasögu Skagafjarðar þar sem Hegranesi verður án undantekninga breytt í Jóhannes.
Hvað hefði þetta í för með sér? –Nú, bæjarnöfn í væntanlegu Jóhannesi yrðu öll kennd við mig eins og til dæmis Helluland í Jóhannesi, Hamar í Jóhannesi og ekki hvað síst er ég spenntur fyrir því að hér eftir yrði þá talað um Jóhannesþing í stað Hegranesþing. Svo að sjálfsögðu mundi ég gera tilkall til þess að verða þegar í stað skipaður Jóhanessgoði.
Er þetta ekki bara eitthvað grín hjá þér Jóhannes, þér getur ekki verið alvara? –Að sjálfsögðu er mér fúlasta alvara væni minn. Ég sé ekki betur en við Jóhannesar þessa lands höfum lengi átt undir högg að sækja á meðan Ingólfum, Sæmundum og jafnvel Öglum hefur verið gert hátt undir höfði með alls kyns örnefnasúpum. Við þetta verður ekki lengur unað.
En segðu mér, ef menn vilja reisa skóg eða sumarbústað í Jóhannesi eiga þeir þá að hafa samband við þig? –Óttalegur vitleysingur geturðu verið. Að sjálfsögðu ekki. Skipulagsnefnd Skagafjarðar hefur eftir sem áður með slíkt að sýsla. Þetta mál snýst um örnefnaréttlæti, ekki völd.
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.