Helgi Pís fær (stundum góðar) hugmyndir
Helgi Fannar Antonsson, oft kallaður Helgi Pís, er friðarins maður. Í kjölfarið á umræðu um að lögreglan fengi skammbyssur og stuðbyssur sér til varnar þá hafði Helgi samband við Dreifarann og kvaðst hafa áhyggjur af ofbeldinu í þjóðfélaginu en þóttist hafa fundið friðsamlega lausn.
-Já mér finnst komið nóg af ofbeldi í þjóðfélaginu og held að það sé nú barasta alls ekki til góðs að lögreglan sé á rúntinum veifandi skammbyssum og öðru slíku.
Ókei, og hvað frábæru hugmynd fékkstu Helgi? -Mér datt svona í hug að skammbyssur lörgreglunnar væru þannig útbúnar að ef að lögreglan þyrfti að stöðva atburðarás sem hefði farið úr böndunum þá gætu þeir mætt á svæðið og þegar þeir skytu af byssunni þá spýttist út um hlaupið svona stöng og það félli af henni rauður borði og á honum stæði einfaldlega “SKAMM!” Samanber skammbyssa skilurðu?
Heldurðu að það væri að gera eitthvað gagn Helgi minn? -Já, jáhá, besta vopnið í baráttunni gegn ofbeldinu er húmorinn. Það er svo augljóst, alveg hreint og klárt. Það myndu allir bófar bara springa úr hlátri ef lögreglan mætti með svona byssu í slagsmál, nú eða rán. Þeir myndu bara lippast niður úr hlátri og þá gæti lögreglan bara klappað á bakið á þeim og sagt: Fariði nú bara heim apakettirnir ykkar, já og ekki gera þetta aftur.
En hvað með stuðbyssurnar? -Ég var nú ekki alveg búinn að útfæra þá hugmynd fullkomlega en ég sá svona fyrir mér að lögreglan þyrfti kannski að hafa afskipti af heimiliserjum eða kannski veisluhöldum þar sem stemningin væri ekki mikil, jafnvel bara vond stemning. Þá væri lögreglan kölluð til og þeir kæmu með stuðbyssurnar sínar. Skilurðu? Ég er svona að hallast að því að byssan sé þannig útbúin að þegar tekið er í gikkinn þá byrji rosaleg stuðmúsík og allir detta í alveg brjálað stuð. Stuðbyssan gæti kallað á aukabúnað sem ég hef verið að pæla svolítið í, nefnilega hátalaravesti, alveg skotheld.
Færðu oft svona hugmyndir Helgi? -Já blessaður vertu. En ekki oft svona góðar.
Fleiri fréttir
-
Hagur allra að samningar náist sem fyrst
feykir.is Skagafjörður, Lokað efni 31.10.2024 kl. 14.56Verkföll eru eins og áður hefur komið fram í níu skólum á landinu en kennarar eiga nú í samningaviðræðum við samninganefnd sveitarfélaganna um bætt kjör. Leikskólinn Ársalir á Sauðárkróki er einn þessara níu skóla en í Ársölum eru alls 65 starfsmenn á launaskrá og af þeim eru 26 í verkfalli.Meira -
Skandall sigraði Viðarstauk annað árið í röð
feykir.is Austur-Húnavatnssýsla, Listir og menning, Lokað efni 31.10.2024 kl. 13.27Hljómsveitin Skandall gerði sér lítið fyrir og sigraði í Viðarstauk sem haldinn var í 41. sinn nú á dögunum. Viðarstaukur er hljómsveitarkeppni innan Menntaskólans á Akureyri en hljómsveitin Skandall er að mörgu leyti óvenjuleg; ekki einungis er hún skipuð fimm stúlkum sem stunda nám í MA heldur eru þrjár þeirra úr Austur Húnavatnssýslu og ein þeirra spilar á flautu. Feykir lagði nokkrar spurningar fyrir aðalsöngkonu Skandals, Ingu Rós Suska.Meira -
Ný brunavarnaáætlun Skagafjarðar tekur gildi
feykir.is Skagafjörður, Austur-Húnavatnssýsla, Lokað efni 31.10.2024 kl. 13.20Skagafjörður samþykkti þann 23. október síðastliðinn nýja brunavarnaáætlun sveitarfélagsins til næstu fimm ára og er þetta önnur stafræna brunavarnaáætlun landsins. Brunavarnaáætlunin er nú aðgengileg á vefsíðu viðkomandi sveitarfélags en einnig er hún birt á vef HMS.Meira -
Lið Þórs með grobbréttinn á Norðurlandi
feykir.is Skagafjörður, Íþróttir, Lokað efni 31.10.2024 kl. 12.53Lið Þórs og Tindastóls mættust í Höllinni á Akureyri í gærkvöld en um 220 áhorfendur mættu og fengu að sjá fjörugan leik og bæði lið sýndu fínan sóknarleik. Bæði lið frumsýndu erlenda leikmenn og var stuðningsfólk Tindastóls sérlega ánægt með það sem Mélissa Diawakana hafði fram að færa. Lið Þórs hafði yfirhöndina frá upphafi til enda en náði þó aldrei að hrista lið Tindastóls af sér. Sex stigum munaði þegar innan við mínúta var eftir en Stólastúlkur komust ekki nær sterku Þórsliði þar sem Maddie Sutton reyndist erfið. Lokatölur 102-95.Meira -
Nú skiptir Feykir.is yfir í læstar fréttir
feykir.is Skagafjörður, Austur-Húnavatnssýsla, Vestur-Húnavatnssýsla 31.10.2024 kl. 12.33Eins og nefnt var í leiðara Feykis í síðustu viku þá hefur verið ákveðið að loka fyrir ókeypis aðgang að megninu af fréttum og öðru efni sem hingað til hefur staðið öllum opið á Feykir.is. Eru lesendur hvattir til að styrkja útgáfuna og gerast rafrænir áskrifendur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.