Sjálfstæðisfólk og óháðir í Húnaþingi vestra bjóða fram undir listabókstafnum D
Á fundi Fulltrúaráðs sjálfstæðismanna í Húnaþingi vestra um síðustu helgi var ákveðið að við sveitarstjórnarkosningarnar í vor muni sjálfstæðisfólk og óháðir bjóða fram undir listabókstafnum D. Kemur þetta fram í Facebook-færslu Júlíusar Guðna Antonssonar, formanns stjórnar N-lista og varaformanns Sjálfstæðisfélags V-Hún.
„Á sínum tíma var ákveðið að bjóða fram undir merkjum Nýs afls í Húnaþingi vestra þar sem fulltrúar úr minnihluta sveitarstjórnar (fyrir utan framsókn) gengu til liðs við meirihluta sjálfstæðismanna og óháðra. Til þessa samstarfs var stofnað með það að markmiði að ná meirihluta með fólki sem hafði reynslu af því að starfa saman og hafði breiða skírskotun á hinu pólitíska sviði.
Þetta tókst og undir meirihlutastjórn N-lista var sveitarfélaginu stýrt þannig að svigrúm skapaðist til stærri og öflugri verkefna. Með hliðsjón af velheppnuðu samstarfi var ákveðið fyrir síðustu kosningar að halda samstarfi N-lista áfram. Í kosningunum tókst ekki að viðhalda meirihlutanum og að því marki má því segja að kjósendur hafi hafnað þessu samstarfi og aðferðafræðinni þar að baki,“ skrifar Júlíus.
Fulltrúaráð sjálfstæðismanna í Húnaþingi vestra fundaði um síðustu helgi þar sem ákveðið var að sjálfstæðisfólk og óháðir myndu bjóða fram undir listabókstafnum D við sveitarstjórnarkosningarnar í vor.
„Þessi ákvörðun er tekin með hliðsjón af ofangreindu þrátt fyrir mjög gott samstarf sitjandi fulltrúa N-listans og er ákvörðunin ekki tekin út frá einstökum persónum heldur eingöngu aðferðarfræðilegum ástæðum. Nú er það svo með þessa ákvörðun eins og svo margar aðrar að sitt sýnist hverjum en niðurstaðan er þessi og samkvæmt henni verður unnið. Þökkum við sjálfstæðismenn í Húnaþingi vestra fyrir öflugt, ánægjulegt og farsælt samstarf á undangengnum árum og erum þess fullvissir að samstarfið geti haldið áfram þó á öðrum forsendum sé. Jafnframt hvetjum við sjálfstæðisfólk í héraðinu sem og óháða að koma til liðs við okkur hvort heldur sem er á listann eða í það málefnastarf sem framundan er. En fyrst og fremst þurfum við á kjósendum að halda þannig að okkur auðnist öllum að nýta tækifærin. X-D,“ segir Júlíus Guðni.
Fleiri fréttir
-
Byggjum og náum niður vöxtum og verðbólgu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 08.30Ríkisstjórnin hefur gert lítið sem ekkert til að auka framboð á húsnæði til að mæta hinni gríðarlegu eftirspurn á tímum fordæmalausrar íbúafjölgunar. Okkur hefur fjölgað um 15% frá 2017. Um 1.200 íbúðir i Grindavík hurfu vegna eldsumbrotanna á Reykjanesi. Til að ná niður verðbólgu og vöxtum er gríðarlega mikilvægt að tryggja nægt framboð á húsnæði um allt land fyrir lág- og millitekjufólk og fyrstu kaupendur.Meira -
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira -
Vonast til að FabLab-aðstaða verði opnuð í byrjun næsta árs
feykir.is Vestur-Húnavatnssýsla, Mannlíf, Lokað efni 28.11.2024 kl. 14.23Opið samráð um samfélagsmiðstöð í Félagsheimilinu Hvammstanga er kynnt á heima-síðu Húnaþings vestra. Feykir forvitnaðist aðeins um málið hjá Unni Valborgu Hilmarsdóttur sveitarstjóra og þar á meðal hvaða þjónustu hún sjái fyrir sér að verði veitt í miðstöðinni.Meira -
Öflugur landbúnaður er lykill að kröftugri byggð
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 28.11.2024 kl. 13.45Til að stuðla að farsæld og heilbrigðum vexti landbúnaðar og fæðutengdrar starfsemi þurfum við að hugsa fyrir framtíðinni í stærra samhengi en mér sýnist hafa verið gert hingað til. Opinber stuðningur skiptir augljóslega máli, en fleiri þurfa að leggja lóð sitt á vogaskálarnar.Meira -
Tækifærin í Norðvesturkjördæmi
feykir.is Skagafjörður, Austur-Húnavatnssýsla, Aðsendar greinar 28.11.2024 kl. 11.45Norðvesturkjördæmi er einstakt, þar sem stórbrotin náttúra, rík saga og menning mætast. Til að byggja upp öflugt samfélag og skapa jákvæðar framtíðarhorfur, verðum við að nýta þau tækifæri er hér felast. Við í Vinstri grænum leggjum áherslu á vel mannaða heilsugæslu, bættar samgöngur, fjölbreytta atvinnu og verndun náttúrunnar, því þannig leggjum við grunninn að öflugu samfélagi til langframa.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.