Miklar rafmagnstruflanir þar sem orkumálin voru rædd
Þingmenn hafa þeyst um landið þvert og endilangt í kjördæmaviku sem nú er að renna sitt skeið en einnig hefur tæknin verið nýtt til fundahalda líkt og á dögunum þegar sveitarstjórnarfólk á Norðurlandi vestra og þingmenn Norðvesturkjördæmis ræddu saman á Teams. Þingmenn fengu þá að sjá með eigin augum hve rafmagnsöryggið á landsbyggðinni getur verið ótryggt.
Unnur Valborg Hilmarsdóttir, framkvæmdastjóri SSNV, fékk það hlutverk að stýra umræðum og segir hún á Facebook-síðu sinni það hafa verið ansi „skondið“ þegar rafmagnið hafi farið af fimm mínútum fyrir fyrsta fund og var svo að koma á og detta út næsta klukkutímann eða svo. „Þá voru góð ráð dýr og ég skellti mér bara inn á fundinn í símanum í rökkrinu. Allt gekk þetta nú allt saman upp og fundirnir hinir fínustu,“ skrifar hún.
Á heimasíðu SSNV segir að farið hafi verið yfir helstu mál á fundinum, svo sem samgöngumál, atvinnumál, heilbrigðismál, menntamál, orkumál og margt fleira. „Þar sem orkumálin fá jafnan mikið pláss í umræðunni á fundum sem þessum var það því kaldhæðnislegt að nokkrum mínútum í fund hófust rafmagnstruflanir á Hvammstanga sem stóðu langt fram eftir fundi. Framkvæmdastjóri SSNV stýrði umræðum á fundinum og þurfti því að taka fundinn í símanum í rökkrinu í morgunsárið. Kaldhæðni gæti einhver sagt – eða áhersluauki einhver annar. Í það minnsta var engum vafa undirorpið á fundinum að úrbætur í orkumálum eru brýnt viðfangsefni í landshlutanum.“
Fleiri fréttir
-
Rökkurganga í Glaumbæ 1. desember
feykir.is Skagafjörður, Listir og menning, Lokað efni 29.11.2024 kl. 10.21Starfsfólk Byggðasafns Skagfirðinga skellir sér í sauðskinnsskóna – eða kuldaskóna – á sunnudaginn 1. desember og býður gestum að njóta samveru í rökkrinu í gamla bænum í Glaumbæ. „Andrúmsloftið í bænum verður eins og við jólaundirbúning um 1900,“ segir í tilkynningu frá safninu.Meira -
Við þorum að taka ákvarðanir | Gunnar Bragi Sveinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 09.41Kjördæmið okkar hefur verið afskipt um of langan tíma um leið og tækifærin eru um allt. Við þurfum að fá að nýta þessi tækifæri og fá til þess stuðning þar sem við á.Meira -
Aðventuhátíð í Hvammstangakirkju á sunnudag
feykir.is Vestur-Húnavatnssýsla, Listir og menning, Lokað efni 29.11.2024 kl. 09.03Næstkomandi sunnudag, þann 1. desember sem jafnframt er fyrsti sunnudagur í aðventu, er aðventuhátíð í Hvammstangakirju og einnig í kapellu sjúkrahúss Heilbrigðisstofnunar Vesturlands.Meira -
Byggjum og náum niður vöxtum og verðbólgu | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 08.30Ríkisstjórnin hefur gert lítið sem ekkert til að auka framboð á húsnæði til að mæta hinni gríðarlegu eftirspurn á tímum fordæmalausrar íbúafjölgunar. Okkur hefur fjölgað um 15% frá 2017. Um 1.200 íbúðir i Grindavík hurfu vegna eldsumbrotanna á Reykjanesi. Til að ná niður verðbólgu og vöxtum er gríðarlega mikilvægt að tryggja nægt framboð á húsnæði um allt land fyrir lág- og millitekjufólk og fyrstu kaupendur.Meira -
Stóllinn, Stóllinn, Stóllinn, Tindastóll!
feykir.is Skagafjörður, Lokað efni 28.11.2024 kl. 16.38Nýr Stóll hefur litið dagsins ljós og var dreift í hús á Sauðárkróki í gær. Það er körfuknattleiksdeild Tindastóls sem gefur út en starfsfólk Nýprents safnar efni, útbýr viðtöl og hefur veg og vanda að uppsetningu og vinnslu. Það er síðan meistari Davíð Már sem annast myndatökur.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.