Það var lagið

Taylor Swift er með ólíkindum hæfileikarík tónlistarkona. Þegar hún var 10 ára gömul ku tölvuviðgerðarmaður hafa kennt henni þrjú grip á gítar og kveikti hjá henni áhugann á að búa til tónlist. 11 ára gömul reyndi hún fyrst fyrir sér í Nashville, árið 2000, en án árangurs en það má segja að frá árinu 2005 sé tónlistarferill hennar ein óslitin sigurganga. Hér er myndband sem fylgir nýjasta singölnum af plötunni 1989, Out of the Woods.

Coldplay eru mættir enn eina ferðina með nýja plötu og fyrsti singullinn af henni er hið hressilega Adventure of a Lifetime. Það er greinilegt að Christ Martin og félagar hafa ákveðið að daðra aðeins við danstónlistina að þessu sinni því það örlar á diskói í þessu.

Þjóðlagapopphetjan Nathaniel Rateliff frá Hermann í Missouri í Bandaríkjunum hefur vakið athygli upp á síðkastið í viðhengi við The Night Sweats, sálarskotið ryþma og blús kombó sem hann setti á laggirnar árið 2013.

Hin breska Adele er ein skærasta söngstjarna heimsins um þessar mundir og er orðin dágóð bið síðan hún gaf út síðustu breiðskífu sína. En nú er ný á leiðinni, 25, og er Hello fyrsta smáskífulagið af henni og hefur þegar vakið gríðarlega athygli.

Veðurspá Marron 5 fyrir sumarið virðist hafa gengið ágætlega upp en þeir Adam Levine og félagar náðu svolítilli spilun með sumarsmellinum This Summer's Gonna Hurt Like a Mother******.

Ætli það séu ekki einhver 30 ár síðan sjarmatröllin Morten, Mags og Pål í norska trióinu A-ha slógu í gegn í götóttum gallabuxum með lagið Take On Me. Síðan hafa þær margsinnis hætt en alltaf koma þeir aftur með nesti og nýja skó.

Króksararnir Helgi Sæmundur og Arnar Freyr í Úlfi Úlfi hafa heldur betur slegið í gegn í sumar með skífu númer tvö sem ber nafnið Tvær plánetur. Lagið að þessu sinni er Brennum allt en því fylgir snilldar myndband.

Einn heitasti smellur þessa ískalda sumar er lagið No More með Glowie. Ekki virðist nú margt frónskt við þetta ljúfa lag en bæði söngkonan, rapparinn og lagahöfundarnir eru engu að síður Íslendingar.

Allir þeir sem á annað hafa fylgst með tónlist frá því um síðustu aldamót ættu að þekkja til bresku kappanna í Coldplay. Nú í sumar gáfu þeir út nýtt efni en þá kom platan Ghost Stories í allar betri verslanir. Þar mátti ...

Bandaríska rokksveitin Daughtry var stofnuð af Chris Daughtry sem einhverjir muna kannski eftir sem sköllótta gaurnum sem komst í úrslit í fimmta sísoni hins ameríska Ædols. Kappinn endaði þar í fjórða sæti en hefur átt farsælli ...