Skagafjörður

RÚV greindi frá því fyrr í dag að héraðssaksóknari muni ekki gefa út ákærur í skotárásarmálinu á Blönduósi. Tvennt lést í árásinni, byssumaðurinn sjálfur og kona á sextugsaldri.

Það var árið 2020 sem Joaquín de la Cuesta, tónlistarmaður, hljómsveitarstjóri og kennari, kom í Skagafjörðinn frá spænsku eyjunni Tenerife til að kenna við Tónlistarskóla Skagafjarðar. Hann segist alltaf hafa litið á sig sem tónlistarlega eirðarlausan einstakling sem ávallt leiti að nýjum áskorunum eða markmiðum sem stuðlað geti að tónlistarmenningu hvar sem hann fer.

Háskóladagurinn 2023 verður haldinn 4. mars nk. milli kl. 12:00 og 15:00 þar sem allir háskólar landsins munu kynna starfsemi sína. Dagurinn fer fram í húsakynnum Háskólans í Reykjavík, Listaháskóla Íslands, Háskóla Íslands og Grósku hugmyndahúsi í Vatnsmýrinni.

Niceair mun bjóða upp á flug til Kaupmannahafnar þrisvar í viku frá og með fyrsta júní.Til þessa hefur félagið flogið tvisvar í viku, á fimmtudögum og sunnudögum, en hyggst nú bæta við ferðum á þriðjudögum einnig í sumar.

Í morgun, kl 11 var björgunarskip Slysavarnafélagsins Landsbjargar á Siglufirði, Sigurvin, kallað út til aðstoðar smábát sem fengið hafði veiðarfæri í skrúfuna og var því vélarvana. Í tilkynningu frá Landsbjörgu kemur fram að Sigurvin hafi lagt úr höfn á Siglufirði kl 11:17, með fjögurra manna áhöfn, og hélt áleiðs að bátnum sem staddur var í mynni Siglufjarðar.

Ásmundur Einar Daðason, mennta- og barnamálaráðherra, boðar til morgunverðarfundar um stórtæka uppbyggingu starfsnáms í framhaldsskólum landsins nk. fimmtudag en samkvæmt mati ráðuneytisins á húsnæðisþörf í framhaldsskólum næstu tíu árin mun nemendum í starfsnámi fjölga verulega og nemendum í bóknámi fækka.

Þann 1. september 2021 tóku gildi nýjar orkumerkingar fyrir ljósgjafa og hófst þá 18 mánaða aðlögunartímabil sem lýkur nú 1. mars næstkomandi. Á heimasíðu Húsnæðis- og mannvirkjastofnunar segir að það þýði að frá 1. mars þurfi ljósgjafar, sem á annað borð bera orkumerkingar, að bera nýju orkumerkingarnar.

Það er kannski fullsterkt í árina tekið að segja komið vor en fótboltinn er jú einn vorboðanna ljúfu. Í gær tóku Stólastúlkur á móti góðu liði Breiðabliks í Lengjubikarnum á Sauðárkróksvelli og það reyndist gestunum helst til of auðvelt að sækja stigin þrjú. Fyrri hálfleikur var ekki alslæmur hjá heimastúlkum en síðari hálfleikurinn var glataður. Lokatölur 0-8.

Matgæðingur í tbl 39, 2022, var Árni Gísli Brynleifsson. „Kem úr dalnum sem guð skapaði, Hjaltadal,“ segir hann. Árni vinnur hjá langtímaleigudeild Bílaleigu Akureyrar en er með starfsstöð á Sauðárkróki. Eiginkona hans er Heiða B. Jóhannsdóttir, frá Sauðárkróki, en hún er hjúkrunarfræðingur og ljósmóðir að mennt og vinnur hjá Heilbrigðisstofnun Norðurlands á Sauðárkróki. Saman eiga þau þrjú börn; Louisu Lind (16 ára), Ingólf Snæ (9 ára) og Evu Líf (5 ára).

Þyrey Hlífarsdóttir heit ég, gift Degi Þór Baldvinssyni. Við eigum þrjú börn Evu Rún, Hlífar Óla og Baldvin Orra. Við búum í Víðiholti og starfa ég sem grunnskólakennari í Varmahlíðarskóla þar sem ég kenni umsjónarkennslu í 1. - 2. bekk auk þess sem ég kenni textílmennt við skólann. Ég tek glöð við áskorun frá Stefaníu ömmusystur minni um að segja aðeins frá því hvað ég er með á prjónunum,“ segur áskorandi hannyrðaþáttar Feykis að þessu sinni.