Nýr hátíðarbúningur Pilsaþyts afhjúpaður í gær
Í gær afhenti Pilsaþytur í Skagafirði Sveitarfélaginu Skagafirði kyrtil til afnota fyrir Fjallkonu sveitarfélagsins við hátíðlega athöfn. Frá haustdögum 2019 hefur félagið unnið að því að sauma búninginn en því verki lauk í nóvember á síðasta ári og til stóð að afhenda hann 1. desember en samkomutakmarkanir o.fl. komu í veg fyrir það.
Það var sannkölluð hátíð í Menningarhúsinu Miðgarði þar sem boðið var upp á dagskrá með ávarpi, söng og kaffi með kleinum á eftir. Ásta Ólöf Jónsdóttir hafði orð fyrir Pilsaþytskonum og rakti sögu kyrtilsins frá hugmynd að afhendingu. Kvennakórinn Sóldís tók við keflinu og söng meðan Fjallkonan, klædd kyrtlinum góða, gekk inn salinn í fylgd Pilsaþytskvenna. Það var Heba Guðmundsdóttir sem brá sér í gervi Fjallkonunnar og flutti hún ljóðið Mælifellshnjúkur, eftir Jóhann Guðmundsson í Stapa áður en búningurinn var formlega afhentur Sveitarfélaginu til afnota við hátíðleg tækifæri.
Sigfús Ingi Sigfússon, sveitarstjóri, óskaði félagskonum til hamingju með verkið og fyrir hönd sveitarfélagsins þakkaði fyrir rausnarskap kvennanna. Fram kom í ávarpi Sigfúsar Inga að vinna við smíði á sýningarskáp sé þegar hafinn en kyrtilinn mun verða til sýnis í Safnahúsinu á Sauðárkróki að öllu jöfnu. Að því búnu steig Karlakórinn Heimir á svið og söng áður en boðið var upp á kaffi og kleinur að íslenskum sið.
Fleiri fréttir
-
Sjálfstæðisflokkur endaði stærstur í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla 01.12.2024 kl. 15.42Það var reiknað með spennandi kosningu í Norðvesturkjördæmi og glöggir spámenn og kannanir gerðu ráð fyrir að sex flokkar skiptu með sér þeim sex þingsætum sem í boði voru; Framsókn, Viðreisn, Sjálfstæðisflokkur, Flokkur fólksins, Miðflokkur og Samfylking. Síðan yrði happdrætti hvar uppbótarþingmaðurinn endaði. Það fór svo að hann endaði hjá Flokki fólksins sem fékk því tvo þingmenn í kjördæminu.Meira -
Samfylkingin kom, sá og sigraði
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 01.12.2024 kl. 15.02Kosið var til Alþingis í gær og lágu endanleg úrslit fyrir nú í hádeginu en síðastur til að detta inn á þing var Sigurður Ingi Jóhannsson, formaður Framsóknarflokksins Þá var þegar ljóst að Samfylkingin var ótvíræður sigurvegari kosninganna, bættu við sig níu þingsætum, eru því með 15 þingmenn og eina framboðið sem náði rúmlega 20% fylgi. Þá unnu Flokkur fólksiins og Viðreisn vel á, Miðflokkurinn bætti við sig sex þingmönnum og Sjálfstæðisflokkur var einn ríkisstjórnarflokkanna til að vinna varnarsigur.Meira -
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.