Kynning á sjálfsævisögu Bíbíar
Fram kemur í húnahorninu að á mánudaginn 30. maí klukkan 17 fer fram kynning í Félagsheimilinu á Blönduósi á rannsóknaverkefninu og sjálfsævisögunni Bíbí í Berlín. Boðið verður upp á kaffi og umræður að lokinni kynningu. Bíbíarhópurinn, þau Guðrún Valgerður Stefánsdóttir, prófessor í fötlunarfræði við HÍ, Sigurður Gylfi Magnússon, prófessor í menningarsögu við HÍ og Sólveig Ólafsdóttir, doktorsnemi í sagnfræði við HÍ, hvetur alla til að mæta og ekki síst þau sem muna eftir Bíbí.
Nýverið kom út í ritröðinni Sýnisbók íslenskrar alþýðumenningar verk sem Bjargey Kristjánsdóttir, sem vanalega gekk undir nafninu Bíbí í Berlín, ritaði. Bíbí var fædd á kotbýlinu Berlín rétt fyrir utan Hofsós árið 1927 og var úrskurðuð fljótlega á fyrsta ári „fáviti“ eins og það var nefnt á fyrri hluta 20. aldar. Eftir lát móður sinnar, þegar Bíbí var um þrítugt, var hún flutt gegn vilja sínum á elliheimilið á Blönduósi. Þar dvaldi hún í tæp 20 ár eða þar til að hún flutti inn í þorpið þar sem hún bjó í skjóli vina um hríð en endaði ævi sína á elliheimilinu þar sem hún lést árið 1999.
Bíbí lét eftir sig 120 þúsund orða sjálfsævisöguhandrit sem hún hafði unnið að mestu í einrúmi, hélt leyndu fyrir fjölskyldu sinni og samferðarfólki og fáir vissu um tilvist þess. Bókin Bíbí í Berlín er með ítarlegum inngangi Guðrúnar en að verkinu standa auk hennar þau Sólveig og Sigurður Gylfi og fengu þau fengu þriggja ára verkefnisstyrk frá Rannís árið 2021 til að rannsaka sögu Bíbíar.
/huni.is
Fleiri fréttir
-
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira -
Verndari Vatnsdalshólanna
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 14.00Dóra flutti í Vatnsdalshóla 2016 og opnaði Listakot Dóru 2018 en er búin að vinna við handverk og listir í yfir 30 ár. Fyrst á Hvammstanga og svo á Hvolsvelli en þaðan kom hún aftur heim. Ættin Dóru er búin að vera í Vatnsdalshólum í um það bil 147 ár. Hún sleit sínum barnsskóm í Vatnsdalshólum og segir það hafa verið frábært að koma heim aftur. Dóra er sveitastelpa og mikið náttúrubarn og henni finnst gaman að geta unnið að list sinni.Meira -
Á ferð um Norðvestur kjördæmi | Frá efstu frambjóðendum Samfylkingarinnar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 13.25Nú styttist í kosningarnar og frambjóðendur Samfylkingarinnar hafa verið á þönum um allt kjördæmi og við höfum átt samtal við mjög marga íbúa kjördæmisins, samtal sem mun hjálpa okkur á næstu fjórum árum, því kosningarnar eru bara einn liður, það er hvernig við förum með niðurstöðurnar og sinnum kjördæminu næstu fjögur árin sem skiptir öllu máli.Meira -
Gallerí Ós rekið af hugsjón
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 13.00Blaðamaður Feykis rúntaði yfir fjallið og hitti Henný Rósu og Guðmund sem er fólkið á bak við Gallerí Ós á Blönduósi og spjallaði við þau um handverksmarkaðinn sem opnaði þar nú í sumar.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.