Saltfisklummurnar og Rauði kjúklingurinn
Guðrún Pálsdóttir og Ólaf Bernódusson á Skagaströnd voru matgæðingar vikunnar í 44. tbl. ársins 2012.
„Við hjónin erum frekar heimakær en þegar við erum ekki heima þá kunnum við best við okkur einhvers staðar á göngu í óbyggðum og höfum verið illa haldin af Hornstrandaveiki síðastliðin tólf ár. Það má segja að ég sjái að mestu leyti um eldamennskuna á heimilinu en Óli kemur oft með skemmtilegar hugmyndir um matargerð sem ég reyni svo að framfylgja með hans aðstoð, þannig að við erum yfirleitt ágæt þegar við leggjum saman,“ sagði Guðrún.
FORRÉTTUR
Saltfisklummur
115 g hveiti
½ tsk. lyftiduft
1 stk. egg
0,6 dl mjólk
115 g útvatnaður og beinhreinsaður saltfiskur
¼ stk. blaðlaukur
svartur pipar eftir smekk
Aðferð:
Þegar kom að því að velja forrétt, þá datt okkur nú fyrst í hug réttur sem sló í gegn þegar við héldum veislu fyrir göngufélaga okkar sem heimsóttu okkur til Skagastrandar fyrir nokkrum árum og kom sér þá vel að bóndinn veiðir allan fisk sem við notum á lítilli trillu sem hann á og hanterar hann á ýmsan hátt.
Hrærið saman hveiti, eggI og mjólk. Saxið saltfiskinn í litla bita og blandið saman við ásamt smátt brytjuðum blaðlauknum og kryddið með pipar. Steikt á pönnu í smá olíu eins og litlar lummur. Ýmis konar meðlæti má hafa með þessu, s.s. salat, grjón og jafnvel létta sósu.
AÐALRÉTTUR
Rauði kjúklingurinn
1 kg kjúklingabitar
3 dl matreiðslurjómi
Sósa:
u.þ.b.3 dl tómatsósa+ smá vatn
1-3 tsk. pipar
2-3 tsk. karrý
Aðferð:
Þegar á að fara að hugsa um aðalrétt, þá er einn réttur sem er búinn að loða við fjölskylduna í ansi mörg ár og gengur yfirleitt undir nafninu „Rauði kjúklingurinn“. Þegar fjölskyldan er að fara í sumarbústað, og verið er að huga að innkaupum, þá segja barnabörnin alltaf : Verður ekki örugglega rauður kjúklingur einhvern tíma í matinn?? Þessi réttur er alveg nauðaeinfaldur en góður og klikkar aldrei. Magnið af kryddinu fer bara eftir því hversu sterkan þið viljið hafa réttinn.
Kjúklingabitunum er raðað í djúpt eldfast form eða ofnskúffu og dálitlu salti stráð yfir og síðan er sósunni smurt ofan á. Sett í 180°C heitan ofn og bakað í hálfa klst. Þá er rjómanum hellt yfir og bakað áfram þar til kjúklingurinn er fulleldaður. Hrærið nokkrum sinnum vel í sósunni á eldunartímanum svo allt blandist vel saman. Borið fram með hrísgrjónum og fersku salati (og jafnvel brauði eða kartöflum) allt eftir smekk.
EFTIRRÉTTUR
Bláberja skyr-ostakaka
Botn:
100 g brætt smjör
200 g hafrakex
200 g LU candico kex (sporöskjulöguðu kökurnar)
Fylling:
250 g skyr
250 g rjómaostur
150 g sykur
2 egg
2 dl rjómi
8 blöð matarlím
500 g bláber
Aðferð:
Nú, þá er það eftirrétturinn, og þar sem Óli er haldinn veiðiáráttu, þá kemur það eðli líka fram í óstjórnlegri fíkn í að tína ber, sem er náttúrulega bara eins konar veiðiskapur, og þessum afurðum þarf að koma í lóg. Og til tilbreytingar frá bláberjasultu eða frosnum bláberjum þá er hér betrumbætt uppskrift af bláberjaköku sem ég fann einu sinni í blaði. Fínt að eiga nokkrar svona í kistunni á veturna.
Um er að ræða frekar stóra uppskrift. Myljið kexið saman við brætt smjörið. Þrýstið í botn á formi og kælið. Matarlímið lagt í bleyti. Rjóminn þeyttur og settur til hliðar. Hrærið saman skyr og rjómaost og bætið eggjum og sykri saman við og hrærið vel. Bætið síðan bláberjunum útí. Leysið matarlímið upp í smá vatni og blandið út í berjablönduna. Þeytta rjómanum er að síðustu hrært varlega saman við og öllu hellt yfir botninn í forminu. Látið stífna. Gott að borða kökuna með þeyttum rjóma.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.