Humarskelbrot og kjúklingabringa í soja með brokkolí, hvítlauk, hrísgrjónanúðlum og eggjum
Guðmundur Björn Eyþórsson var matgæðingur vikunnar í 32. tbl. Feykis 2017. Hann segist vera Kópavogsbúi og Hólamaður sem kom í Fjörðinn frá Kóngsins Kaupinháfn fljótlega eftir hrun og settist að heima á Hólum en það er „nafli alheimsins eins og allir á Sauðárkróki vita og þeir sem hafa búið hér,“ segir Guðmundur. Á Hólum starfar hann við háskólann sem fjármála- og starfsmannastjóri auk þess sem hann á sér gæluverkefnið Bjórsetur Íslands ásamt tveimur félögum sínum.
FORRÉTTUR
Humarskelbrot
humarskelbrot
pipar
salt
smjör
steinselja
hvítlaukur
Aðferð:
Klippið skelbrotin til og dreifið salti og pipar yfir. Bræðið gott magn af smjöri, setjið fínskorna steinselju og hvítlauk út í og hrærið. Smyrjið svo vel yfir skelbrotin. Hitið upp ofninn og setjið 2-3 brauð (baguette) í. Skerið þau niður í sneiðar þegar þau eru tilbúin. Nú er tími til að setja skelbrotin í ofninn á svona 150°C og alls ekki meira en í 5-7 mínútur, annars er hætta á að þau brenni.
Dífið svo brauðinu í smjörsafann sem kemur af skelbrotunum eftir eldun. Nauðsynlegt að fá sér gott hvítvín með þessu og auðvitað meðan eldað er.
AÐALRÉTTUR
Kjúklingabringa í soja með broccoli, hvítlauk, hrísgrjónanúðlum og eggjum
Byrjið á að setja hrísgrjónanúðlurnar í skál og hellið sjóðandi vatni yfir. Látið standa í um 15 mínútur. Takið svo kjúklingabringuna og skerið hana á hlið að 
miðju og flettið henni upp eins og fiðrildi. Rennið svo varlega með kefli yfir kjúklinginn til að fletja hann út. Það er mikilvægt svo að kjúklingurinn verði stökkari (crispy).
Hitið upp pönnuna (hentugast að nota Wokpönnu), hellið ólífuolíu á pönnuna og setjið svo fínskorinn kjúklinginn út í. Munið að salta og pipra. Fínskerið svo hvítlauk og brokkolí og hendið á pönnuna. Hellið slatta af sojasósu út í eftir mínútu eða tvær og leyfið gumsinu að steikjast í litla stund. Hellið því næst öllu af pönnunni í skál, þerrið pönnuna og bætið olífuolíu út í. Takið núðlurnar upp og sigtið þær. Því næst eru tvö egg hrærð saman í skál og þeim hellt á pönnuna. Hrærið eggjunum vel saman við þangað til þið eruð komin með nokkurs konar hrærða eggjaköku. Bætið núðlunum út í og auðvitað kjúllanum og brokkolíinu. Leyfið þessu að eldast í u.þ.b. 1-2 mínútur.
Afar nauðsynlegt er að fá sér rauðvín á meðan eldun stendur yfir og auðvitað með þessum frábæra rétti.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.