Humar, grillaður lax og panna cotta
Matgæðingar vikunnar í 48. og síðasta tölublaði ársins 2018 voru þau Gestur Sigurjónsson og Erna Nielsen á Sauðárkróki. „Á okkar heimili er oftast eldað hratt í miklum látum og hversdagsmatur er iðulega á matseðlinum. Okkur finnst báðum skemmtilegt að elda og þegar tækifæri gefst þá finnst okkur afar skemmtilegt að gera tilraunir í eldhúsinu.“
FORRÉTTUR
Humar með heimagerðu hvítlaukssmjöri
Humarinn er hreinsaður, skelin klippt að ofan og fiskurinn lagður ofan á skelina. Humarhölunum er raðað á ofnskúffu og smá klípa af hvítlaukssmjöri sett á hvern hala. Sett í heitan ofninn og eldað við 200°C í 5-7 mínútur, fer eftir stærð.
Hvítlaukssmjör:
250 g íslenskt smjör
6-8 hvítlauksgeirar
½ -1 rauður chilli (eftir smekk)
1 búnt fersk steinselja
Setjið allt saman í matvinnsluvél (við notum litla matvinnsluvél sem fylgdi töfrasprotanum) og vinnið vel saman. Best er að gera smjörið daginn áður.
AÐALRÉTTUR
Grillaður lax með mango cutney og pekanhnetum
Beinhreinsið laxinn og þerrið hann lítillega. Laxaflakið er svo skorið og mango chutney smurt yfir hvern bita. Pekanhenturnar eru hakkaðar gróft og léttristaðar á þurri og meðalheitri pönnunni og loks stráð yfir laxinn.
Lykillinn að þvi að grilla lax er að hafa grillið hreint og funheitt. Við notum ekki álbakka eða álpappír, laxinn fer beint á grillið á roðhliðinni og eldast þannig. Setjið lokið á grillið og leyfið laxinum að grillast í 6 - 8 mínútur þá ætti hann að vera tilbúinn. Eins og með annað fiskmeti þarf að gæta þess að ofelda ekki laxinn og taka hann af grillinu rétt áður en hann verður klár.
Meðlæti:
Klettasalat með rauðri papriku og perum.
Kartöflur í ofni:
Hefðbundnar og sætar kartöflur skornar í teninga og settar í plastpoka. Ólífíuolíu hellt yfir, smá salti og smá rósmarín stráð yfir, snúið upp á pokann og hann hristur til og frá. Kartöflurnar settar í eldfast mót og ofnbakaðar á 200°C í 40-50 mínútur.
EFTIRRÉTTUR
Panna cotta með mojito jarðaberjum
Einhver áramótin vorum við að vandræðast með eftirrétt og duttum svo niður á uppskrift að Panna cotta á netinu sem við höldum mikið upp á.
250 ml rjómi
250 ml nýmjólk
2½ matarlímsblað
50 g sykur
1 vanillustöng
Mojito jarðaber:
250 g jarðaber
4-5 myntulauf
3 tsk. hrásykur
1 lime
Sykraðar heslihnetur:
2 msk. sykur
50 g hakkaðar heslihnetur
Aðferð:
Matarlímsblöðin lögð í kalt vatn. Rjóminn, mjólkin, og sykurinn sett í pott ásamt fræjunum úr vanillustönginni. Við hendum stönginni sjálfri út í á eftir. Hitað á miðlungshita upp að suðu en tekið af hita áður en suðu er náð. Kreistið vatnið úr matarlímsblöðunum og bætið þeim út í og hrærið á meðan þau leysast upp. Gætið þess að blöðin leysist alveg upp. Blandan er látin ná stofuhita og svo hrært í henni áður en henni er hellt í glös. Glösin eru svo sett inn í ískáp í a.m.k. tvo tíma.
Heslihneturnar eru hitaðar við miðlungshita og settar til hliðar. Sykurinn er bræddur á pönnu og hnetunum bætt út í þegar sykurinn er orðinn ljósbrúnn. Hrærið saman í um eina mínútu og dreifið svo úr hnetunum á bökunarpappír og látið kólna. Hnetunum er dreift jafnt á glösin.
Jarðaber og myntulauf skorin smátt og sett í skál ásamt hrásykrinum. Börkur af lime rifinn út í og smá limesafi kreistur yfir. Geymt í kæli og sett á ofan á hneturnar þegar maturinn er borinn fram.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.