Grænmetisréttir og sælgæti fyrir heimilishundinn
Kristján Birgisson og Angela Berthold voru matgæðingar vikunnar í 48. tbl. 2017. Þau hafa búið í Lækjardal síðan 1996 og finnst frábært að búa í sveitinni þó þau stundi ekki hefðbundinn búskap. Þau vinna bæði á Blönduósi en eiga sína reiðhesta og tvo hunda. „Mig langar að koma með tvær uppskriftir að grænmetisréttum, kannski eru fleiri sem vilja breyta aðeins til eftir hátíðirnar og sleppa kjötinu af og til,“ segir Angela. „Ég borða sjálf mikið af grænmeti en Kristján vill ekkert endilega láta bendla sig við svoleiðis. Fyrsta uppskriftin er af Falafel sem kemur frá Miðausturlöndunum og er borðað sem einskonar skyndifæði þar, sett inn í pítubrauð með salati, tómötum, jógúrt- og tahínsósu.“
RÉTTUR 1
Falafel
1 poki af þurrkuðum kjúklingabaunum. Baunirnar lagðar í bleyti í sólarhring, þær rúmlega tvöfaldast að stærð og eru notaðar ósoðnar í þennan rétt. Látið vatnið renna af þeim.
4 bollar af þessum baunum (afganginn má frysta eða sjóða og nota í annað)
1 laukur
2 hvítlauksgeirar
½-1 chillipipar (farið varlega, síðasti sem ég keypti var „on fire“) eða notið chilliduft, ½ tsk.
1-2 tsk. tandoori-krydd
½-1 tsk. mulinn coriander
½ tsk. pipar
1-2 tsk. salt (smakkið til þegar deigið er tilbúið, þarf e.t.v. meira)
2 msk. hveiti eða annað mjöl
u.þ.b. 1 lúka steinselja, (er í frumuppskriftinni en þar sem þetta fæst ekki alltaf sleppi ég henni)
Aðferð:
Allt sett í matvinnsluvél, í tvennu lagi þar sem þetta er stór uppskrift. Vélin látin ganga nokkuð lengi, stundum þarf að stoppa og skafa aðeins frá hliðunum. Deigið virkar mjög laust í sér, áferðin á að vera svipuð og grófur blautur sandur. Setjið í skál og geymið í ísskáp í a.m.k. klukkutíma en má líka geyma til næsta dags. Ef deigið tollir alls ekki saman þegar maður klípur í það þarf annaðhvort að setja það í blandarann aftur eða bæta smá hveiti við.
Venjulega eru mótaðar litlar kúlur sem eru síðan djúpsteiktar en mér finnst eiginlega betra að gera litla klatta og steikja á pönnu við meðalhita í nokkrar mínútur á báðum hliðum.
RÉTTUR 2
Grænmetiskarrí
Í þennan rétt má nota alls konar grænmeti, ágætt ef maður hefur keypt of mikið og eitthvað af því er orðið dálitið „þreytt“.
1 rauðlaukur
1 sæt kartafla, u.þ.b. 500 g
1 rauð paprika
blómkál, spergilkál, gulrætur eða annað eftir smekk
1 hvítlauksgeiri
½-1 púrrulaukur
200 ml kókosmjólk
olía, turmerik, karrýduft, grænmetiskraftur, salt og pipar, allt eftir smekk.
Aðferð:
Skerið allt grænmeti í teninga/bita. Hitið olíu í stórum potti, byrjið á að steikja laukinn í smá stund og bætið svo kryddinu, öllu grænmetinu og u.þ.b. hálfum bolla af vatni við. Látið malla í 15 mínútur, það þarf að hræra af og til þar sem vökvinn er aðeins á botninum. Bæta svo kókosmjólkinni við og e.t.v. meira kryddi. Blandið vel og látið sjóða áfram í 10-15 mínútur í viðbót, það fer eftir því hvort maður vill hafa grænmetið mjúkt eða stökkt.
Sem meðlæti passa hrísgrjón og/eða brauð.
RÉTTUR 3
Hundakex
Að lokum langar mig að koma með uppskrift sem gleður bestu vinina á heimilinu:
200 g soðin lifur
100 g smjörlíki
1 egg
3 msk. haframjöl
100 g hveiti eða annað mjöl
Aðferð: Setjið lifrina í matvinnsluvél og hakkið mjög smátt. Bætið smjörlíkinu, egginu og haframjölinu við og blandið vel saman. Færið svo yfir í skál, þetta er mjög klístrað. Hnoðið svo hveitinu saman við og geymið í ísskáp í klukkutíma. Núna er hægt að fletja deigið út, skera út fígurur með smákökuformi, eða móta bara litlar kökur, setja á bökunarpappír á ofnplötu og baka í 15 mínútur við 175°. Slökkvið svo á hitanum en látið blásturinn ganga við hálfopna hurð þannig að kökurnar þorni vel.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.