Forvitnileg folaldasteik og fleira gott
Matgæðingar vikunnar í 44. tbl. árið 2017 voru þuau Zanny Lind Hjaltadóttir og Jóhann Hólmar Ragnarsson, bændur á Syðri-Brekku í Húnavatnshreppi. Við skulum gefa þeim orðið:
„Sæl öll. Við heitum Zanny og Jói og búum á Syðri-Brekku ásamt börnum okkar þremur. Við rekum þar lítið sauðfjárbú ásamt því að vera að fikra okkur áfram í hrossarækt. Hér á eftir koma nokkrar af uppáhalds uppskriftum fjölskyldunnar, við vonum að þið prófið og líkið vel,“ segja matgæðingarnir okkar.
AÐALRÉTTUR
Folaldasteik með kúmeni
Við borðum mikið folaldakjöt en þessi eldunaraðferð er algjört uppáhald. Hægt er að nota þetta á alla parta, hvort sem það er klumpur eða lund!
Yfirleitt er kjötinu leyft að þiðna við stofuhita í sólarhring. Rétt fyrir eldun er gaffli stungið eins oft og þurfa þykir í kjötið (mjög góð leið til að losna við uppsafnaða gremju ef þess þarf!!). Stráið salti og heilu kúmeni yfir kjötið. Bræðið smjörlíki á pönnu og steikið kjötið í um eina mínútu á hvorri hlið.
Setjið í eldfast mót og inn í heitan ofn (180-200°C, blástur). Eldunartími er misjafn eftir þykkt og lögun steikarinnar en við viljum hafa kjötið svolítið bleikt í miðjunni. Yfirleitt duga 10 mín á hvorri hlið fyrir „medium rare“ eldun. Leyfið kjötinu að standa á borðinu í 5 mínútur áður en skorið er í það.
Á meðan kjötið er í ofninum er sósan búin til. Takið 1 stk. villisveppaost og rífið niður í pott. Bræðið ostinn í ½ lítra af matreiðslurjóma. Það má þykkja sósuna með kartöflumjöli ef þurfa þykir.
Kjötið er svo borið fram með salati, baunum og ofnbökuðum kartöflum.
EFTIRRÉTTUR
Besta súkkulaðikaka í heimi
Húsbóndinn er mikill sælkeri og veit fátt betra en volga súkkulaðiköku. Þessi hefur heldur betur slegið í gegn!
2 bollar hveiti
2 bollar sykur
¼ tsk salt
4 msk kakó
250 g smjörlíki
1 bolli vatn
½ bolli AB mjólk
2 egg
1 tsk matarsódi
1 tsk vanilludropar
Aðferð:
Bræðið smjörlíki í potti og hrærið kakóinu saman við. Sjóðið vatnið og hellið út í kakósmjörlíkið. Látið sjóða í 30 sekúndur og geymið. Blandið þurrefnunum í skál (öllu nema matarsódanum) og hellið svo heitri kakóblöndunni yfir. Hrærið örlítið til þess að kæla blönduna.
Blandið saman AB mjólk, eggjum og vanilludropum og matarsóda. Hrærið vel og blandið svo saman við restina af deiginu.
Bakið við 180-200°C í 20 mínútur.
Súkkulaðikrem
200 g smjörlíki
4 msk kakó
6 msk mjólk
1 tsk vanilludropar
450 g flórsykur
Aðferð:
Bræðið smjörlíkið í potti og hrærið kakóinu saman við. Látið malla í 30 sekúndur og takið af hitanum. Bætið mjólk og vanilludropum við og hrærið. Bætið að lokum flórsykrinum við og hrærið vel. Það er mjög gott að bæta við pekanhnetum ef skapið er þannig.
SÉRLEGA GÓÐ SÓSA
Sósa með reyktu kjöti
Að lokum viljum við henda fram auðveldri en rosalega góðri sósu sem hentar vel með öllu léttreyktu kjöti.
250 g sveppir
smjör til steikingar
250 g sveppasmurostur
½ l matreiðslurjómi
2 msk púðursykur
1 msk sætt sinnep
Aðferð:
Steikið sveppina í smá smjöri. Bætið rjómanum og ostinum saman við og látið malla á lágum hita þar til osturinn er bráðinn. Bætið púðursykri og sinnepi saman við. Má þykkja með kartöflumjöli ef þurfa þykir.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.