Ber og aftur ber
Þessi matarþáttur birtist í Feyki, 31. tbl. ársins 2017 Það er umsjónarmaður þáttarins sem skrifar:
Nú haustar að og þá er fátt betra en að drífa sig í berjamó. Úr alls konar berjum er hægt að útbúa margs kyns dýrindis rétti og ætla ég að gefa ykkur nokkrar uppskriftir þar sem bláberin eru í aðalhlutverki. Möguleikanir eru ótal margir eins og sést ef maður gúgglar orðið bláber, s.s. að nota berin í þeyting (boost), baka úr þeim pæ, muffins og fleira, í marineringar á kjöt, í sósur með villibráð og svo auðvitað í alls konar eftirrétti. Berin má nota jafnt fersk sem frosin, mér þykir t.d. betra að þau séu búin að frjósa þegar ég bý til pæ úr þeim. En best og hollast er auðvitað að borða berin bara eins og þau koma fyrir af lynginu.
RÉTTUR 1
Dásamlegur bláberjaís
300 g fryst eða fersk bláber
3 dl rjómi
3 egg
1 tsk vanillusykur
5 msk flórsykur
Aðferð:
Þeytið eggin, vanillusykurinn og flórsykurinn saman. Bætið bláberjunum út í og þeytið örlítið svo bláberin kremjist aðeins og liti hræruna bláa. Þeytið rjómann og hrærið varlega saman við. Setjið í form og frystið. Hrærið í eftir u.þ.b. tvo tíma svo bláberin sökkvi ekki öll til botns. Frystið í tvo tíma til viðbótar (eða lengur).
RÉTTUR 2
Bláberja Panna cotta
Þetta er tiltölulega auðveld uppskrift að virkilega ljúffengum eftirrétti. Að mínu mati passar uppskriftin vel fyrir sex en það má stækka skammtana og hafa þá fjóra eða fimm, allt eftir því sem hver vill.
Panna cotta:
2 dl rjómi
3 msk sykur
2 tsk vanillusykur
3 blöð matarlím
90 g sýrður rjómi
Aðferð:
Matarlímsblöð eru lögð í bleyti (farið eftir leiðbeiningum á umbúðum). Rjómi, sykur og vanilludropar sett í pott og hitað að suðu. Slökkt undir og látið kólna örlítið. Matarlímsblöðin sett út í og þeytt vel saman. Þá er sýrða rjómanum hrært vandlega saman við. Sett í sex falleg glös og látið kólna og stirðna inni í ísskáp í u.þ.b. klukkustund.
Berjafrauð:
2½ dl bláber
1 msk sykur
3 blöð matarlím
1½ dl rjómi, þeyttur
bláber til skrauts
Aðferð:
Þeytið rjómann og geymið í kæli. Maukið berin í matvinnsluvél. Setjið í pott með sykri og hitið að suðu, sykurinn þarf að leysast upp og þetta þarf því ekki að sjóða. Kælið. Leysið matarlímsblöðin upp. Hrærið matarlíminu vel og vandlega saman við maukið og þegar það hefur kólnað aðeins er því hrært varlega saman við þeytta rjómann svo að blandist vel. Hellt ofan á panna cotta lagið í glösunum. Sett í ísskáp og látið stirðna í u.þ.b. 1 klst.
Ferskum eða frosnum bláberjum er dreift yfir um leið og rétturinn er borinn fram.
RÉTTUR 3
Sérlega einfalt bláberjapæ
100 g smjör
3 msk sykur
1 dl hveiti
1 dl haframjöl
3 dl bláber
1 msk kartöflumjöl eða maisenamjöl (ath. maíssterkja, ekki sósujafnari)
½ msk sykur
Aðferð:
Blandið saman bláberjum, kartöflumjöli og sykri og setjið í pæform. Hrærið linu smjöri, þremur matskeiðum af sykri, hveiti og haframjöli saman og dreifið yfir berin. Bakið í ofni við 225°C í 30-40 mínútur. Berið fram með vanilluís eða þeyttum rjóma.
Verði ykkur að góðu!
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.