Vinavika í Grunnskólanum Hofsósi
Vikuna 4.-8. nóvember var skólastarf í Grunnskólanum austan Vatna á Hofsósi með nokkuð óhefðbundnum hætti en þá var efnt til vinaviku meðal nemenda og kennara. Er þetta í sjötta skiptið sem sérstök vinavika er haldin við skólann. Var þá hefðbundið skólastarf brotið upp að hluta til og lögð áhersla á vináttu og þýðingu hennar fyrir alla. Að efna til slíkrar viku er liður í stefnu skólans um vellíðan og virðingu í samskiptum allra sem þar nema og starfa.
Ýmislegt var gert til að efla tengslin, má þar nefna að farið var í tvíþættan leynivinaleik milli nemenda annars vegar og starfsfólks skólans hins vegar. Alla vikuna var spenna í loftinu, gjafir og bréf með fallegum orðum birtust á ýmsum stöðum. Á föstudag var leyndinni aflétt og kom það mörgum á óvart hver leynivinurinn var. Sumir þóttust fullvissir hver vinurinn var en svo kom allt annað í ljós.
Fyrir nokkrum árum var málað vinatré á vegg á áberandi stað í skólanum og hefur það að geyma laufblöð og epli sem á eru skrifuð orð um vináttuna og seinna bættust við fuglamyndir sem segja frá hugmyndum nemenda og starfsfólks um það hvernig góður vinur eigi að vera. Ennfremur má á veggjunum sjá blómagarð með ljóðum og sögum um vináttu og hendur sem segja til um hvernig góð samskipti lýsa sér.
Á göngum skólans má nú sjá hluta af afrakstri vikunnar þar sem þemað á þessu skólaári var „orðspor“. Krakkarnir gerðu orðu fyrir sig sem á stóð hvernig orðspor þau myndu vilja skilja eftir sig. Einnig gerðu þeir persónuleg boðskort, sem gengið var með í hús á staðnum, þar sem allir voru boðnir velkomnir í vinakaffi sem haldið var á föstudeginum.
Á föstudeginum, lokadegi vinavikunnar, var farið í vinagöngu um staðinn með vinaspjöld og sungin vinalög. Að henni lokinni var öllum boðið til vinakaffis þar sem nemendur hverrar bekkjardeildar bökuðu vöfflur í sinni stofu og krakkarnir í 9. bekk sáu um að allir fengju dýrindis kaffi. Óhætt er að segja að vel hafi tekist til og ánægjulegt hve margir lögðu leið sína í skólann þennan morgun.
/Aðsent
.
Fleiri fréttir
-
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.