Grillpartý og geggjuð tilboð þegar Skaffó skreið á fertugsaldurinn
Síðastliðinn föstudag var haldin afmælisveisla í Skagfirðingabúð í tilefni þess að á dögunum voru 30 ár frá opnun búðarinnar sem í daglega tali er kölluð Skaffó. Líkt og á opnunardaginn fyrir 30 árum kíkti fjöldi fólks í búðina í tilefni dagsins.
Það var heitt í kolunum við anddyri Skagfirðingabúðar og var gestum og gangandi boðið upp á grillaðar pylsur í brauði og annað grillkjöt og að sjálfsögðu voru fríir drykkir til að svala þorstanum í skagfirsku hitabylgjunni. Þá gaukuðu starfsmenn ís og nammi að gestum þannig að allir voru sáttir með sitt.
Inni í búðinni var líka nóg um að vera enda dúndrandi tilboð í gangi og margir komnir til að gera góð kaup.
Í Feyki miðvikudaginn 27. júlí 1983 segir frá því að kaupfélaginu hafi verið úthlutað lóð árið 1975 fyrir höfuðstöðvar sínar við Ártorg og ári seinna hófust byggingaframkvæmdir. Fjöldi fólks skoðaði og verslaði í Skaffó á opnunardaginn sumarið 1983 en í inngangi fréttar Feykis segir: -Nokkrir strákar voru mættir vel fyrir kl. níu þriðjudagsmorguninn 19. júlí fyrir framan rafdrifnar hurðir Skagfirðingabúðar, hins nýja vöruhúss Kaupfélags Skagfirðinga. Þrír fánar blöktu við hún, íslenski fáninn í miðju, en á hinum tveimur merki Sambands íslenskra samvinnufélaga og Kaupfélags Skagfirðinga. Nákvæmlega klukkan níu gengu Ólafur Friðriksson kaupfélagsstjóri og Magnús H. Sigurjónsson vöruhússtjóri að dyrunum. Magnús opnaði dyrnar með því að kveikja á rofa og Ólafur bauð strákana velkomna í Skagfirðingabúð.-
Í sama blaði er fyrsta auglýsingin frá búðinni en ýmis tilboð voru í gangi, enda verslunarmannahelgin framundan. Þá mátti fá sólstóla frá kr. 218, brasilískar appelsínur á 25 kr. kílóið, sportskó frá kr. 295 og gallabuxur frá kr. 260. En þetta var auðvitað á síðustu öld.
Hér fyrir neðan má sjá nokkrar myndir sem ljósmyndari Feykis náði í veislunni á föstudaginn.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.