Vilhjálmur Kaldal með síðbúið sigurmark í enn einum sigri Stólanna
Tindastólsmenn léku á SS-vellinum á Hvolsvelli í gær þar sem þeir sóttu heim lið KFR. Rangæingar hafa heldur verið að rétta úr kútnum í síðustu leikjum eftir dapurt gengi framan af sumri. Þannig skelltu þeir liði Víðis í Garði 6-1 á dögunum en þeir höfðu ekki erindi sem erfiði gegn Stólunum þó gestirnir hafi þurft að hafa verulega fyrir 0-1 sigri sínum.
Fátt markvert gerðist í fyrri hálfleik en Stólarnir þó sterkari aðilinn. Snemma í síðari hálfleik skullu Bjarki Már og Ísak Sigurjónsson með höfuðin saman og varð að binda listrænt um höfuð þeirra beggja. Ísak gat ekki haldið áfram leik og Arnar Skúli tók stöðu hans. Á 65. mínútu átti Ingvi Hrannar laglega sendingu inn fyrir vörn KFR, Kenneth Hogg náði boltanum og lék á Gunnar Má Hallgrímsson markmann sem braut á Hogg. Hann tók vítaspyrnuna sjálfur en Gunnar Már, sem verður að teljast ljónheppinn að hafa aðeins fengið gula spjaldið fyrir brotið, varði glæsilega.
Eftir þetta jókst enn sóknarþungi Stólanna en það var ekki fyrr en á 85. mínútu sem Vilhjálmur Kaldal braut ísinn. Hann fékk boltann frá Hogg út í teig hægra megin við markið og náði hörkuskoti í fjærhornið. Gott mark sem tryggði Tindastólsmönnum tólfta sigur sinn í röð í 3. deildinni.
Með sigrinum vænkaðist enn hagur Tindastóls í deildinni því á sama tíma gerðu Einherji og Víðir jafntefli 1-1. Víðismenn eru með 31 stig að loknum 13 umferðum en Tindastóll trónir á toppnum með 36 stig. Lið Kára og Einherja eru bæði með 22 stig (Einherji á þó leik til góða) og vonir þeirra um að ógna toppliðunum því orðnar ansi litlar. Tindastóll og Víðir mætast á Króknum nk. laugardag kl. 14:00.
Fleiri fréttir
-
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.