Viðar Sveinbjörnsson og Ragna Stefanía Pétursdóttir Skagfirðingamótsmeistarar
Skagfirðingamótið í golfi fór fram um síðustu helgi á golfvelli Borgnesinga en áður hafði mótinu verið frestað vegna veðurs. Á fésbókarsíðu mótsins segir Björn Jóhann Björnsson að stærsta fréttin sé sú að Haddi, „litli bróðir“ Arnar Sölva, fór holu í höggi hjá á 8. braut. En það eru þau Viðar Sveinbjörnsson og Ragna Stefanía Pétursdóttir sem bera titlana Skagfirðingamótsmeistarar 2017.
Þetta mun vera í annað sinn sem farin er hola í höggi á Skagfirðingamótinu en Arnar Magnús Róbertsson náði því árið 2008, á sama velli og reyndar sömu braut að sögn Björns Jóhanns, en hún hefur tekið breytingum síðan þá.
„Áður var ekki hægt að sjá flötina á 8. braut frá teignum og brautin var lengri. Núna er flötin sjáanleg og þeir spilafélagar Haddi, Guðjón Baldur, Raggi Magga Sverris og Steini Hauks horfðu á eftir boltanum niður. Ekki voru minni húrrahrópin á Hótel Hamri en þar sátu nokkrir gestir úti í góða veðrinu og urðu vitni að draumahögginu.
Að þessu sinni mættu um 70 kylfingar og léku í einu besta veðri sem Borgarnes hefur boðið upp á undanfarin tíu ár. Mótið átti að fara fram 26. ágúst sl. en var frestað vegna veðurs.
Sem fyrr voru vinningar glæsilegir en á sjötta tug styrktaraðila um land allt leggja sína lóð á vogarskálina til að gera þetta eitt stærsta átthagagolfmót landsins.
Þetta var 20. Skagfirðingamótið frá upphafi en á næsta ári verður 20 ára afmælinu fagnað. Fyrsta mót var á Nesvelli árið 1998, stjórnað af Steinari Skarp, Gunna bakara og Steina Hauks. Gunni tók svo við keflinu og hefur haldið því á lofti, ásamt Sólrúnu konu sinni. Nú hafa þau tekið þá ákvörðun að hætta í nefndinni og var þetta þeirra síðasta mót við stjórnvölinn,“ segir Björn Jóhann.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.