Stólastúlkur stóðu í Njarðvíkingum
Tindastólsstúlkur spiluðu við lið Njarðvíkur í Ljónagryfjunni í VÍS bikarnum í gærdag. Þær grænu hafa verið eitt besta körfuboltalið landsins síðustu tímabil og urðu óvænt Íslandsmeistarar vorið 2022. Það var því við ramman reip að draga en Stólastúlkur stóðu í lappirnar og sýndu ágæta takta. Það dugði þó ekki til því heimastúlkur reyndust sterkari á svellinu og unnu að lokum öruggan sigur. Lokatölur 89-67 og lið Tindastóls úr leik í bikarnum,
Það hefur sennilega ekki farið framhjá mörgum hér fyrir norðan að lið Tindastóls hefur spilað vel í 1. deild kvenna og er þar í einu toppsætanna. Það var því spennandi fyrir liðið að máta sig við eitt sterkasta lið Subway-deildarinnar. Jafnræði var með liðunum í fyrsta leikhluta en að honum loknum leiddu gestirnir með einu stigi,18-19, eftir að hafa leitt mest allan tímann. Ekki voru heimastúlkur ánægðar með þetta og þær tóku völdin í öðrum leikhluta. Raunar var jafnt á flestum tölum fyrstu fjórar mínútur leikhlutans en Njarðvíkurliðið náði 13-0 kafla um miðjan leikhlutann sem reyndist mikilvægur og þær leiddu með tíu stigum í hálfleik. Staðan 45-35.
Tindastólsliðið lagði þó ekki árar í bát og þær bitu frá sér á ný í upphafi þriðja leikhluta og minnkuðu muninn í þrjú stig, 52-49, þegar rúmar fjórar mínútur voru liðnar af seinni hálfleik. Þá fylgdi hins vegar 11-0 kafli hjá liði Njarðvíkur og þær héldu uppteknum hætti í byrjun fjórða leikhluta og voru fljótt komnar með örugga forystu sem þær létu ekki af hendi.
Emese Vida var atkvæðamest í liði Tindastóls með 22 stig og tíu fráköst. Okoro var með 16 stig, Anika Linda gerði níu stig og tók sex fráköst og þá var Andriana Kasapi með átta stig.
Eva Rún ánægð með frammistöðu sinna stúlkna
Feykir hafði samband við Evu Rún Dagsdóttur, fyrirliða Stólastúlkna, og spurði hvort hún hafi verið ánægð með leik Tindastóls gegn liði Njarðvíkinga. „Já, mjög ánægð með leikinn. Við getum verið stoltar af okkar frammistöðu, við mættum og sýndum að við eigum alveg séns í þessi topplið. Við stóðum í þeim stærri hluta leiksins, en auðvitað leiðinlegt að ná ekki að klára það og komast áfram í bikar.“
Hvar lá munurinn á liðunum helst? „Mér fannst munurinn á liðunum ekki alltof mikill. En þær tóku alltof mörg sóknarfráköst og við brutum óþarfa oft á þeim. Einnig voru þær með töluvert betri þriggja stiga nýtingu og settu niður 14 þrista á meðan við settum niður þrjú. En annars fannst mér ekki endilega áberandi að annað liðið væri í Subway og hitt í 1. deildinni,“ sagði Eva Rún.
Fleiri fréttir
-
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira -
Þeir sem að minna mega sín | Jónína Björg Magnúsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 08.40Okkar minnstu bræður sem að ekki ná að hugsa um sig sjálf sökum fötlunar og munu þurfa einhverskonar aðstoð allt sitt líf eru mér ofarlega í huga. Fyrst og fremst vegna þess að í mínu nærumhverfi eru einstaklingar og ömmubörn sem að munu þurfa á slíkri þjónustu að halda. Ég hef unnið mikið með fötluðum bæði hér heima og þegar að ég bjó í Svíþjóð í 8 ár en þar vann ég á heimili fyrir fjölfatlaða.Meira -
Samfylkingin og ég ... | Bryndís Kristín Williams Þráinsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 22.11.2024 kl. 20.07Ég trúi því að Samfylkingin sé með gott plan og ætli að fylgja því eftir komist hún í ríkisstjórn. Samfylkingin sem slík gerir þó ekki marga hluti, heldur fólkið sem hefur ákveðið að starfa undir hennar hatti. Þessi hópur, undir forystu Kristrúnar Frostadóttur, hefur sett sér markmið um ýmsa málaflokka sem sjá má á heimasíðu flokksins. Skoðum örfá alvöru dæmi.Meira -
Jólatvenna í Lýtó á laugardegi
feykir.is Skagafjörður, Listir og menning, Lokað efni 22.11.2024 kl. 19.26Það verður jólastemning í Lýtó á morgun, laugardag 23. nóvember, en þá stendur Sigrún á Stólhóli fyrir Jólamarkaði Rúnalistar í Hlöðunni og Rúnalist Gallerí. Opið verður frá 13-17 og sama dag verið Kaffihúsið Starrastöðum opið frá 14-18. Þessu má enginn missa af enda alltaf gaman að renna fram í Lýtó.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.