Stólarnir náðu ekki að stela stigunum í Stykkishólmi
Tindastóll tapaði fjórða leik sínum í Dominos-deildinni í gærkvöldi þegar strákarnir lutu í parket í Stykkishólmi. Snæfellingar náðu undirtökunum strax í byrjun og Stólarnir voru að elta skottið á þeim það sem eftir lifði leiks. Lokamínúturnar voru æsispennandi en Tindastólsmenn höfðu ekki erindi sem erfiði, lokatölur 94-91.
Þetta var fyrsti leikur liðsins undir stjórn Jou Costa og tap staðreynd. Þetta hafði Spánverjinn að segja við Vísi.is að leik loknum:„Við þurfum að taka vörnina aðeins í gegn og vinna betur þar því við erum að fá á okkur meira en 50 stig í fyrri hálfleik og yfir 90 stig í leiknum. Að vinna leiki sem eru með þessum tölum er ekki auðvelt þannig að við vinnum betur í varnarleiknum okkar,"
„Við vissum töluvert um heimaliðið [Snæfell] og hvernig þeir geta unnið leiki, hvernig þeir spila og skora og höfðum farið vel yfir það í vikunni. Svo klára þeir okkur. Það voru margir góðir hlutir í vörn og fráköstum en á mikilvægum augnablikum í leiknum fá lykilmenn þeirra galopin skot sem þeir klára og gerði þetta ómögulegt. Við reyndum allt í varnartilbrigðum en höfðum ekki nema fjórar æfingar saman til að slípa fyrir þennan leik og það er ekki nægur tími til að stilla þetta af en við förum í mikla vinnu núna og sjáum til eftir tvær til þrjár vikur hver við verðum þá.“
Jerome Hill var bestur í liði Tindastóls í gær en kappinn gerði 24 stig og tók 16 fráköst. Vonandi er að færast fítonskraftur í kappann. Flake var í fínu formi og gerði 17 stig. Lewis var ekki að finna sig framan af leik og setti aðeins niður eitt skot í opnum leik í fyrri hálfleik.
Það er líklegt að einhver tími sé í að lið Tindastóls nái flugi í deildinni og því aldrei mikilvægara en nú að standa þétt við bakið á strákunum. Næsti leikur er hér heima í Síkinu föstudaginn 27. nóvember en þá kemur topplið Keflvíkinga í heimsókn en þeir Suðurnesjapiltar eru taplausir í deildinni, unnu nú síðast Íslandsmeistara KR.
Stig Tindastóls: Hill 24, Flake 17, Lewis 14, Pétur 9, Helgi Viggós 8, Arnþór 7, Svavar 5, Pálmi 3, Hannes 2 og Viðar 2.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.