Körfuboltamót á Blönduósi á laugardaginn
Körfuboltaskóli Norðurlands vestra stendur fyrir körfuboltamóti á Blönduósi laugardaginn 21. desember. Mótið er fyrir alla krakka á aldrinum 8-16 ára en það verður með því sniði að skipt verður í lið og verður spilað í þremur aldursflokkum; 8-9 ára, 10-12 ára og 13 ára og eldri. Feykir hafði samband við Helga Margeirsson hjá KNV og spurði hann út í mótið og körfuboltaáhugann í Húnavatnssýslum.
Hvernig hafa námskeið Körfuboltaskólans gengið? „Þau hafa gengið mjög vel. Við höfum haft námskeið á Skagaströnd, Blönduósi og Hólmavík núna fyrir áramótin ásamt því að ég hef verið með tvær reglulegar æfingar í viku á Blönduósi. Það var hægt með stuðningi Blönduósbæjar og fyrirtækja í bænum sem styrktu þær æfingar sem voru því gjaldfrjálsar fyrir krakkana. Það mættu í það heila 42 einstaklingar. Ég var með aldursskipt þannig að 8-11 ára æfðu á mánudögum og 12 ára og eldri á þriðjudögum. Nákvæmlega þriðjungur þátttakenda voru stelpur sem var mjög gott en auðvitað vill maður hafa þetta alveg jafnt.“
Hefurðu verið einn með námskeiðin? „Núna fyrir áramótin hef ég verið einn með námskeiðin en það er nú meira vegna þess að ég hef átt erfitt með að finna aðstoðarþjálfara með mér í verkefnið. Sigurður Aadnegaard aðstoðaði mig með yngri hópinn á reglulegu æfingunum á Blönduósi.“
Er bullandi áhugi á körfubolta á Blönduósi og nágrenni? „Áhuginn er mjög mikill og það þarf að hamra járnið meðan það er heitt, mig vantar kannski bara meiri aðstoð til að geta haldið þessu öllu úti með reglulegri æfingum. Guðrún Elísdóttir ýtti þessum reglulegu æfingum úr vör og fékk mig til liðs við sig og svo fyrirtækin í bænum til að styrkja verkefnið því að krakkarnir sækjast í körfubolta og áhuginn er mjög mikill.
Og eru Blönduósingar bullandi Tindastóls-aðdáendur þegar kemur að körfubolta? „Algjörlega og líka Skagstrendingar og Hvammstangabúar – ég hef bara ekki náð að setja upp námskeið á Hvammstanga núna fyrir jólin,“ segir Helgi og bætir við að hann sé mikið spurður um hvar hægt sé að verða sér úti um Tindastólsbúninga. Þá er fólki bent á að senda póst á karfa-unglingarad@tindastoll.is.
Helgi hvetur áhugasama til að skrá þátttöku á mótinu á Blönduósi sem fyrst en skráning er opin fram á miðjan föstudag. Þátttökugjald er kr. 1.500.
Fleiri fréttir
-
Gallerí Ós rekið af hugsjón
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 13.00Blaðamaður Feykis rúntaði yfir fjallið og hitti Henný Rósu og Guðmund sem er fólkið á bak við Gallerí Ós á Blönduósi og spjallaði við þau um handverksmarkaðinn sem opnaði þar nú í sumar.Meira -
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira -
Spenntir nemendur Höfðaskóla tóku viðtal við Herra Hnetusmjör
feykir.is Austur-Húnavatnssýsla, Mannlíf, Lokað efni 29.11.2024 kl. 12.11Nemendur í valgreininni skólablað í Höfðaskóla á Skagastrond eru að leggja lokahönd á blaðið sem á að koma út fyrir jólin eða svo segir í frétt á vefsíðu skólans. Í blaðinu verða ýmis viðtöl og var stóri draumurinn að fá að taka viðtal við Herra Hnetusmjör sem flestir, ef ekki allir lesendur Feykis, ættu að hafa heyrt um, enda kappinn einn alvinsælasti tónlistarmaður landsins og fer nú á kostum með félögum sínum í IceGuys.Meira -
Ykkar fulltrúar | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 10.53Kjördagur er á morgun og lokasprettur í kosningabaráttunni er hafinn. Við frambjóðendur Samfylkingarinnar í Norðvestur höfum verið á ferð og flugi um kjördæmið, fengið að kynnast fjölmörgum íbúum og fyrirtækjum í bland við gamla kunningja. Fyrir hönd okkar vil ég þakka öllum sem hafið tekið á móti okkur, boðið okkur spjall, nestað okkur með góðum hugmyndum og leyft okkur að heyra um áskoranir í daglegu lífi. Þessi samtöl gefa okkur kjark og orku að berjast fyrir hagsmunum kjördæmisins.Meira -
Rökkurganga í Glaumbæ 1. desember
feykir.is Skagafjörður, Listir og menning, Lokað efni 29.11.2024 kl. 10.21Starfsfólk Byggðasafns Skagfirðinga skellir sér í sauðskinnsskóna – eða kuldaskóna – á sunnudaginn 1. desember og býður gestum að njóta samveru í rökkrinu í gamla bænum í Glaumbæ. „Andrúmsloftið í bænum verður eins og við jólaundirbúning um 1900,“ segir í tilkynningu frá safninu.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.