Bergmann nýr formaður knattspyrnudeildar
Á aðalfundi knattspyrnudeildar Tindastóls sem haldinn var í gær var Bergmann Guðmundsson kjörinn nýr formaður deildarinnar. Tók hann við af Ómari Braga Stefánssyni sem gegnt hefur stöðunni sl. 25 ár. Bergmann er bjartsýnn á framtíðina og segir starfið leggjast vel í sig.
„Knattspyrnan á Króknum er á góðum stað, mikil uppbygging framundan og mikið af góðu fólki sem starfar við knattspyrnudeildina. Það er mikil gróska í fótboltanum og ég hlakka til að gera gott starf betra,“ segir Bergmann. Fyrstu verk nýs formanns verða að koma á laggirnar ráðum í kringum starfsemina eins og barna- og unglingaráði, meistaraflokksráði o.fl. og halda áfram að reyna að auka iðkendafjöldann og fagmennskuna í kringum félagið ásamt því að vinna í að bæta aðstöðu og þjálfun fyrir íþróttafólkið.
Aðspurður um hvort eitthvað hafi verið gert á fundinum sem þykir fréttnæmt, segir Bergmann það ekki vera. „Fundurinn var í sjálfu sér hefðbundinn aðalfundur og ekki fréttnæmur sem slíkur nema fyrir þá staðreynd að Ómar Bragi gaf ekki kost á sér til áframhaldandi setu sem formaður knattspyrnudeildar. Ég vil nota tækifærið og þakka honum enn og aftur fyrir alla þá áratugi sem hann hefur gefið fótboltanum á Króknum.“
Í stjórn knattspyrnudeildar sitja áfram þau Sunna Atladóttir, Ingvi Hrannar Ómarsson, Guðni Þór Einarsson, Guðrún Jenný Ágústsdóttir og Guðjón Örn Jóhannsson kemur nýr inn. „Þetta er flottur hópur af kraftmiklu fólki sem gaman verður að vinna með,“ segir Bergmann.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.