Auðveldur sigur Tindastóls gegn ÍR í skemmtilegum leik
ÍR-ingar komu í heimsókn í Síkið í kvöld og léku við lið Tindastóls í Dominos-deildinni. Stólarnir höfðu tapað tveimur leikjum í röð en þeir voru í fantaformi að þessu sinni og gestirnir áttu engan séns. Lokatölur urðu 105-83 og heimamenn enn sem fyrr í öðru sæti deildarinnar.
Bæði lið fóru ágætlega af stað en Tindastóll náði þó fljótlega forystunni. Um miðjan fyrsta leikhluta var staðan 13-11 en á næstu fjórum mínútum gerðu Stólarnir 17 stig en ÍR 1 og staðan var 30-16 að loknum fyrsta leikhluta. Í öðrum leikhluta vakti Jónas Rafn Sigurjónsson mikla lukku hjá stuðningsmönnum Stólanna en kappinn, sem lítið sem ekkert hefur komið við sögu í vetur, setti niður þrjú 3ja stiga skot í leikhlutanum og bætti einu við í fjórða leikhluta og var með 100% nýtingu. Svabbi átti líka eftirminnilega 3ja stiga körfu en eftir að hafa klikkað á 3ja stiga skoti fékk hann boltann aftur og lét vaða frekar reiðilega af enn lengra færi og beint í við mikinn fögnuð áhorfenda. Lengstum annars leikhluta var munurinn um 15 stig á liðunum en undir lokin bættu Stólarnir aðeins í og staðan 58-38 í hálfleik.
ÍR-ingar komu beittari til leiks í síðari hálfleik en Stólarnir með Helga Viggós í miklum ham gáfu ekkert eftir. Dempsey var hvíldur í síðari hálfleik og Lewis kom ekkert við sögu í fjórða leikhluta og var byrjunarliðið sparað talsvert þegar leið á leikinn. Það kom ekki að sök því allir léku af miklu sjálfstrausti og geysilega gaman að sjá til liðsins. Munurinn varð mestur 26 stig í fjórða leikhluta en lokatölur sem fyrr segir, 105-83.
Lið Tindastóls átti fínan leik í kvöld. Helgi Viggós var atkvæðamestur með 19 stig og 9 fráköst og hann spilaði hörkuvörn á Trey Hampton sem virtist ekkert hafa gaman af heimsókn í Síkið. Lewis var sjálfum sér líkur og þá átti Ingvi frábæran leik bæði í sókn og vörn. Hittni leikmanna var góð í kvöld en Stólarnir skutu 63% innan teigs (36/57) og 43% (9/21) í 3ja stiga skotum.
Lið Tindastóls á aftur heimaleik í næstu viku en fimmtudaginn 12. febrúar kemur lið Fjölnis í heimsókn.
Stig Tindastóls: Helgi Viggós 19, Lewis 13, Svavar 12, Ingvi 12, Jónas 12, Flake 11, Dempsey 9, Pétur 6, Sigurður 5, Helgi Margeirs 4 og Viðar 2.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.