Auðveldur sigur á fjölbrautaskólapiltum í Iðunni
Í gærkvöldi fór síðasta umferðin fram í deildarkeppni Dominos-deildarinnar í körfuknattleik. Ljóst var fyrir leikina að KR-ingar voru orðnir deildarmeistarar en Keflvíkingar og Stjarnan börðust um annað sætið og þar hafði Stjarnan betur. Lið Tindastóls, sem vann í gærkvöldi auðveldan sigur á liði FSu á Selfossi, endaði í sjötta sæti deildarinnar og spilar því gegn Keflvíkingum í úrslitakeppninni sem hefst 17. mars.
Tindastólsmenn léku án Anthony Gurley í gærkvöldi og Dempsey spilaði í aðeins rúmar 10 mínútur enda voru yfirburðir Stólanna miklir í leiknum og því gott tækifæri til að blóðga aðeins óreyndari leikmenn liðsins sem stóðu sig með prýði. Tindastóll komst í 0-6, 6-16 og hafði yfir að loknum fyrsta leikhluta, 16-34. Heimamenn löguðu stöðuna í byrjun annars leikhluta en Viðar, sem hefur sprungið út í síðustu leikjum, kom Stólunum aftur í fluggírinn og í hálfleik var staðan 34-61 og leik nánast lokið.
Pétur og Helgi Viggós fóru fyrir sínum mönnum í síðari hálfleik líkt og í þeim fyrri og spiluðu glimrandi bolta. Það verður þó að segjast eins og er að fyrirstaðan í vörn FSu var ekki nema að nafninu til. Heldur hægðist á Stólunum í síðari hálfleik enda voru Lewis, Dempsey og Viðar að mestu hvíldir. Staðan var 59-87 að loknum þriðja leikhluta og lokatölur leiksins urðu 82-114.
Öflugastir í liði Tindastóls að þessu sinni voru Helgi Viggós sem gerði 24 stig og hirti 13 fráköst og Pétur sem skilaði sömuleiðis 24 stigum en tók sex fráköst og átti sex stoðsendingar. Lewis, Viðar og Helgi Margeirs skiluðu allir 12 stigum. Stólarnir voru með 32% nýtingu í 3ja stiga skotum og fráköstuðu mun betur en heimamenn (31/51). Þá gerðust þau undur og stórmerki að Stólarnir voru 100% af vítalínunni (13/13) og vonandi veit það á gott fyrir úrslitakeppnina.
Rimma Keflvíkinga og Tindastóls hefst í Keflavík nk. fimmtudag en síðan verður leikið í Síkinu sunnudaginn 20. mars kl. 19:15. Liðið sem fer áfram þarf að vinna þrjá leiki og er næsta víst að búast má við æsispennandi og skemmtilegri viðureign milli liðanna.
Stig Tindastóls: Helgi Viggós 24, Pétur 24, Viðar 12, Helgi Margeirs 12, Lewis 12, Hannes 9, Dempsey 7, Svabbi 6, Ingvi 6 og Sigurður 2.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.