Ánægja með nýtt töfrateppi
„Með tilkomu þessa töfrateppis erum við að auka fjölbreytnina í fjallinu og getur fólk sem ekki á gott með að fara í lyftu notað það,“ sagði Viggó Jónsson framkvæmdastjóri Skíðadeildar Tindastóls. Töfrateppið reyndist mjög vel þegar það var tekið í notkun í fyrsta sinn um síðastliðna helgi.
Einungis þrjú skíðasvæði á landinu státa af slíku teppi, þ.e. í Bláfjöllum og á Hlíðarfjalli, og að sögn Viggós ríkir mikil ánægja og jákvæðir straumar gagnvart þessari nýjung.
Mikið um að vera í fjallinu um páskana
Yfir páskahátíðina flykkjast jafnan landsmenn á skíði en skemmtileg dagskrá verður í Tindastóli yfir hátíðarnar. Músíkin mun óma í fjallinu og þar verður t.d. Crazy Roller og braut fyrir krakka sem vilja renna sér á snjóþotum eða sleðum.
Bakarísmótið verður haldið að föstudeginum en þá verður tímataka og geta allir keppt í því. Allt er það til gamans gert og geta þá fullorðnir m.a. keppt á móti krökkunum sínum.
Þá verða flottar göngubrautir, bæði fyrir lengra komna og byrjendur. „Það er algengur misskilningur að göngubrautin sé svo erfið að byrjendur geti ekki farið í hana. Þeir sem vilja fara í braut sem er minna krefjandi geta valið hana, það er ekkert mál. Þær eru alltaf teknar saman í slaufur þannig að þú getur skíðað hvar sem er í sjálfum sér. Þannig að ég hvet fólk endilega til þess að koma á gönguskíði líka,“ segir Viggó.
„Síðan verður hægt að renna sér frá toppi skíðasvæðisins alveg niður á veg, ef fólk vill klára daginn þannig að einhver bíður þar með bílinn. Um að gera að koma upp í fjall og hafa gaman að,“ sagði Viggó að lokum.
Opið frá kl. 11-19 fram að helgidögunum en kl. 10 – 16 dagana 2.-5. apríl.
Hægt er að fylgjast með síðu skíðasvæðisins á vefnum og facebook, auk þess er hægt að hringja í upplýsingasímann 878 3043.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.