Fréttir

Stjórn Kaupfélags Vestur-Húnvetninga hefur ráðið Þórunni Ýr Elíasdóttur í starf kaupfélagsstjóra Kaupfélags Vestur-Húnvetninga en fyrr í haust sagði Björn Líndal Traustason upp störfum. Þórunn mun hefja störf á fyrstu mánuðum nýs árs.

Karlakórinn Lóuþrælar ásamt Barnakór Húnaþings vestra og einsöngvurum syngja inn jólin í Félagsheimilinu Hvammstanga fimmtudagskvöldið 7. desember kl. 19:30. Enginn aðgangseyrir. Allir hjartanlega velkomnir. Tónleikarnir eru styrktir af Landsbankanum.

Á heimasíðu Húnahornsins (huni.is) segir að sú hefð hefur skapast í desember að velja Jólahús ársins á Blönduósi og nú sé svæðið útvíkkað yfir alla Húnabyggð. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahúsnæði. Samkeppnin um Jólahúsið 2023 verður með svipuðu sniði og síðust ár og er þetta í 22. sinn sem Húnahornið stendur fyrir vali á Jólahúsi ársins.

Næstkomandi laugardag, 9. desember, verður opinn dagur hjá Háskólanum á Hólum í tilefni af viðburðinum Heim að Hólum á aðventu. Dagskráin verður frá kl. 11:30 til kl. 17:00 og má nefna barnastund, jólatréssölu, rökkurgöngu og ýmislegt annað en einnig verður Ágúst Ingi Ágústsson með “Ágrip af sögu körfuboltans á Króknum” kl. 15 í tilefni þess að Skagafjörður fagnaði Íslandsmeistaratitli í ár og Íslandsmeistarabikarinn verður að sjálfsögðu á staðnum! Aðalbygging Háskólans á Hólum verður opin frá kl. 12-16 og veitingasala verður á Kaffi Hólum á sama tíma.

Í morgun fékk Feykir góðan póst frá góðum vinum úr veðurklúbbi Dalbæjar á Dalvík en þau funduðu í gær og gleðja vonandi flesta með spá þeirra fyrir jólamánuðinum. 

18 dagar til jóla og ég hef voða lítið um hann að segja nema að það er miðvikudagur:) og þá kemur út bæði Sjónhorn og Feyki:) Njótið dagsins öll sömul:)

Í fyrsta sinn voru tvö hrossaræktarbú verðlaunuð sem Ræktunarbú ársins en það voru hrossaræktunarbúið Þúfur og Fákshólar.

Á morgun, miðvikudaginn 6. desember, verða ljósin á jólatrénu á Skagaströnd tendruð á Hnappstaðatúni kl. 17. Þar munu nemendur í 1. bekk Höfðaskóla sjá um að tendra jólaljósin og heyrst hefur að nokkrir jólasveinar munu mæsta á svæðið í jólajappalestinni. Boðið verður upp á að grilla sykurpúða yfir opnum eldi. Öll hjartanlega velkomin.

Söfnin þrjú á Norðurlandi vestra, þ.e. Heimilisiðnaðarsafnið á Blönduósi, Byggðasafn Skagfirðinga í Glaumbæ og Byggðasafn Húnvetninga og Strandamanna á Reykjum í Hrútafirði, hafa undanfarin ár lagt áherslu á aukið samstarf og fræðslu sín á milli. Söfnin sem öll eru viðurkennd söfn, hafa m.a. staðið fyrir nokkrum námskeiðum fyrir safnafólk sem hafa nýst vel í safnastarfinu og hefur styrkur úr aukaúthlutun Safnasjóðs skipt þar sköpun.

Söngvakeppni nemendafélags Fjölbrautaskóla Norðurlands vestra fer fram á morgun, miðvikudaginn 6. desember. Á stokk stíga nemendur skólans og mun sigurvegarinn verða fulltrúi skólans í Söngkeppni framhaldsskólanna árið 2024. Keppnin verður haldin á sal skólans, húsið opnar kl. 19:30 og dagskráin byrjar kl. 20:00. Miðaverð er 1.000 kr.