Umhverfisdagurinn í Skagafirði á laugardaginn
Umhverfisdagurinn í Skagafirði verður haldinn nk. laugardag, 21. maí og að sögn Ingibjargar Huld Þórðardóttur, formanns umhverfis- og samgöngunefndar Svf. Skagafjarðar, verður hann tileinkaður útivist og umhverfisvitund. „Allir eru hvattir til að fara út og njóta þess sem Skagafjörður hefur uppá að bjóða,“ segir Inga Huld.
„Við viljum beina athygli íbúa að garðyrkjustöðvum í héraði og því metnaðarfulla starfi sem þar fer fram um leið og við hvetjum alla, einstaklinga og fyrirtæki, til að huga að sínu nærumhverfi.“
Á heimasíðu sveitarfélagsins kemur fram að Umhverfisdagurinn hafi verið haldinn árlega í rúma þrjá áratugi. Þar er fólk einnig hvatt til að nota daginn til útivistar, hefja daginn til dæmis á að fara í gönguferðir um einhvern skóga héraðsins svo sem í Varmahlíð, við Silfrastaði, að Hólum, rölta um Litla-Skóg, skoða stuðlabergsfjöruna við Hofsós, eða eitthvað allt annað sem fólk langar að skoða. Jafnframt er kjörið að huga að snyrtingu nærumhverfis síns þennan dag.
„Í tilefni dagsins verður opið hús í nokkrum gróðrarstöðvum héraðsins. Í gróðurstöð sveitarfélagsins í Sauðármýri eru ræktuð sumarblóm sem skreyta samfélag okkar Skagfirðinga á sumrin. Opið hús verður í gróðurstöðinni frá klukkan 9-12 á umhverfisdaginn. Jafnframt verður opið hús í gróðurstöðinni Laugarmýri frá kl. 13-18 en þar fer fram fjölbreytt framleiðsla á m.a. sumarblómum, forræktuðu grænmeti, tómötum, gúrkum, jarðarberjum, blómberjum, plómum, grænkáli, trjám og runnum, salati og kryddjurtum. Gróðurstöðin að Starrastöðum verður einnig opin þennan dag frá kl. 13-18 en þar eru framleiddar rósir af ýmsum gerðum.“
Stutt er síðan velheppnaður umhverfisdagur FISK Seafood fór fram og gaman að geta þess að í heildina voru tínd 8,7 tonn af rusli um allt hérað þann daginn. Það munar um minna.
Fleiri fréttir
-
Söfnin á Norðurlandi vestra fengu rúmar 17 milljónir í styrki frá Safnaráði
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning 27.02.2025 kl. 15.17Úthlutun úr Safnasjóði fór fram í Myndasal Þjóðminjasafns Íslands við hátíðlega athöfn þann 14. febrúar 2025 að viðstöddu fjölmenni þar sem styrkþegar tóku á móti viðurkenningarskjölum. Byggðasafn Skagfirðinga, Byggðasafn Húnvetninga og Strandamanna sem og Heimilisiðnaðarsafnið á Blönduósi fengu öll styrki en það var Logi Einarsson menningarráðherra með meiru sem ávarpaði gesti og úthlutaði 129 styrkjum.Meira -
Full kirkja á Blönduósi þegar Karlakór Bólstaðarhlíðarhrepps steig á stokk
feykir.is Austur-Húnavatnssýsla, Listir og menning, Mannlíf, Lokað efni 27.02.2025 kl. 12.15Síðastliðið þriðjudagskvöld hélt Karlakór Bólstaðarhlíðarhrepps sína fyrstu tónleika í tilefni af 100 ára afmæli kórsins. Vel var mætt í Blönduóskirkju og tókust tónleikarnir einstaklega vel að sögn Höskuldar B. Erlingssonar, formanns kórsins. Fjörutíu kappar skipa kórinn en stjórnandi er Eyþór Franzson Wechner og undirleikari Louise Price.Meira -
Birna Guðrún og Friðrik Henrý sigruðu í partý-tvímenningi PKS
feykir.is Skagafjörður, Íþróttir, Lokað efni 27.02.2025 kl. 09.57Pílukastfélag Skagafjarðar stóð í gærkvöldi fyrir alveg hreint frábæru pílumót en þá var boðið upp á partý tvímenning fyrir krakka í 3.-7. bekk á svæðinu. Mótið fór fram í húsnæði PKS og var þátttakan fín, nítján krakkar mættu til leiks. Sigurvegarar mótsins voru þau Birna Guðrún Júlíusdóttir og Friðrik Henrý Árnason og fengu að launum gullmedalíu. Í öðru sæti urðu Rakel Birta Gunnarsdóttir og Hólmar Aron Gröndal.Meira -
Gul verðurviðvörun fyrir aðfaranótt föstudags
feykir.is Skagafjörður, Austur-Húnavatnssýsla, Vestur-Húnavatnssýsla 27.02.2025 kl. 09.33Veðrið hefur verið með besta móti síðustu tvær vikur með örfáum undantekningum sem vart eru þess virði að ástæða sé til að minnast á. Veðurstofan hefur nú skellt gulri veðurviðvörun á Strandir og Norðurland vestra frá og með miðnætti. Í dag verður veðrið að mestu stillt og gott, hiti í kringum frostmark, en þegar líður að miðnætti eykst sunnanáttinn, fyrst vestast á svæðinu en færist síðan austur yfir þegar líður á nóttina.Meira -
Króksbíó sýnir myndina SIGURVILJI... í kvöld
feykir.is Skagafjörður, Austur-Húnavatnssýsla, Vestur-Húnavatnssýsla 27.02.2025 kl. 09.00Sigurvilji er íslensk heimildamynd um Sigurbjörn Bárðarson tamningameistara og landsliðsþjálfara og verður hún sýnd í kvöld, fimmtudaginn 26. febrúar, í Króksbíói kl. 20:00. Þeir sem vilja panta miða á myndina er bent á að senda skilaboð á Facebook-síðunni Króksbíós.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.