Selfoss sullaði Stólastúlkum úr Mjólkurbikarnum
Stólastúlkur fengu lið Selfoss í heimsókn á Krókinn í dag í Mjólkurbikarn kvenna en lið Selfoss hefur náð eftirtektarverðum árangri í keppninni. Leikurinn var jafn og hart var barist en það voru gestirnir sem gerðu eina mark leiksins í fyrri hálfleik þrátt fyrir taktvissan stuðning stúkuliðs Stólastúlkna. Bikardraumur Tindastóls því úti við fyrstu hindrun.
Lið Selfoss virkaði reynslumeira og harðsvíraðra í leik sínum í dag með Sif Atladóttir ógnarsterka í öftustu vörn. Bæði liðin áttu í raun í basli með að skapa sér færi þar sem varnarleikur beggja var öflugur. Mark kom á 34. mínútu eftir að gestirnir sóttu upp hægri kantinn, komu góðum bolta of auðveldlega inn á teiginn og eftir smá klafs féll hann fyrir Evu Lind Elíasdóttur sem setti boltann í markið án þess að Monica ætti möguleika á að ná í hann.
Bæði lið reyndu að sækja í síðari hálfeik og sköpuðu sér nokkur hálffæri. Melissa átti bestu tilraun Stólastúlkna en gott skot hennar fór rétt yfir. Illa gekk að nýta föst leikatriði að þessu sinni þar sem vörn Selfoss var feikisterk og þær voru oftar en ekki á undan í boltann og komu honum frá áður en heimastúlkur náðu að gera sig gildandi.
Tap því staðreynd í dag og Stólastúlkur geta nú einbeitt sér að Bestu deildinni. Liðið hélt ágætlega í boltann í leiknum og er að spila betri fótbolta en áður. Vandamálið líkt og áður á leiktíðinni er að það gengur illa að skora og þá er snúið að vinna leiki. Gwen var virkilega góð í vörninni í dag, Aldís María átti fína spretti en það skorti talsvert upp á að úrslitasendingin skilaði sér. Markverðir beggja liða gripu vel inn í og áttu góðan dag.
Stuðningsmönnum Stólanna þótti oft á tíðum sem gestirnir kæmust upp með tuddaskap og dómarinn sleppa að dæma á nokkur augljós brot. Gestirnir létu líka vel í sér heyra og mótmæltu þegar dæmt var á þá. Það er augljóst að andstæðingar Tindastóls brjóta hiklaust ef útlit er fyrir að Stólastúlkur séu að komast inn fyrir en eru að sleppa með spjöld. Kannski verða Stólastúlkur bara að láta finna betur fyrir sér og láta dómarann vita almennilega af því þegar brotið er á þeim – ekki bara taka því þegjandi.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.