Loksins leikið í Bifröst á ný
Eftir fimm vikna æfingatörn frumsýnir Nemendafélag Fjölbrautaskóa Norðurlands vestra (NFNV) söngleikinn Footloose í Bifröst í næstu viku og brýtur þar með ísinn sem Covid-ástandið frysti og lagði yfir allt leiklistarstarf í Skagafirði síðustu tvö misseri. Sóttvarnir eru þó hafðar í heiðri, tveggja metra reglan og grímuskylda.
Upphaflega átti að sýna verkið í nóvember en vegna sóttvarnareglna var því frestað en svo vel vill til að sami mannskapur hélst svo ekkert stoppaði leikhópinn að byrja að æfa 5. janúar sl. Aðalhlutverk eru í höndum þeirra Inga Sigþórs Gunnarssonar, Guðnýjar Rúnu Vésteinsdóttur og Rannveigar Sigrúnar Stefánsdóttur.
Leikritið fjallar um unglingspiltinn Aron sem flytur ásamt móður sinni úr stórborg í smábæ þar sem yfirvöld hafa bannað rokktónlist og dans. Hann fær skólafélaga sína til að hjálpa sér við finna leið til að hægt sé dansa á lokaballi skólans en til þess þarf hann að leika á lögin og prest bæjarins sem hefur gert það að markmiði sínu að koma í veg fyrir þess lags ólifnað. Það sem flækir málin er að Aron verður hrifin af dóttur prestsins.
Að sögn Birgittu Bjartar Pétursdóttur, formanns nemendafélagsins, hafa æfingar gengið vel enda flottur hópur á ferð. Alls taka 16 leikarar þátt í sýningunni og fjöldi sem kemur að henni á ýmsan hátt. Búið er að staðfæra leikritið upp á Sauðárkrók sem gerir leikritið enn skemmtilegra. Leikstjórinn kemur frá Akureyri, Kolbrún Lilja Guðnadóttir, og nær hún vel til krakkanna að sögn Birgittu sem leiðir til þess að frábær sýning lifnar við á sviðinu í Bifröst.
Hvað sóttvörnum varði á sýningum segir Birgitta það best ef fólk pantar miða í hópum sem fær þá að sitja saman annars er tveggja metra reglan ráðandi og grímuskylda.
Miðasala hefst mánudaginn 15. febrúar og stendur milli klukkan 15-17 í síma 455-8070.
Myndirnar hér að neðan eru teknar af Birgittu Björt á leikæfingu í vikunni.
Fleiri fréttir
-
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira -
Verndari Vatnsdalshólanna
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 14.00Dóra flutti í Vatnsdalshóla 2016 og opnaði Listakot Dóru 2018 en er búin að vinna við handverk og listir í yfir 30 ár. Fyrst á Hvammstanga og svo á Hvolsvelli en þaðan kom hún aftur heim. Ættin Dóru er búin að vera í Vatnsdalshólum í um það bil 147 ár. Hún sleit sínum barnsskóm í Vatnsdalshólum og segir það hafa verið frábært að koma heim aftur. Dóra er sveitastelpa og mikið náttúrubarn og henni finnst gaman að geta unnið að list sinni.Meira -
Á ferð um Norðvestur kjördæmi | Frá efstu frambjóðendum Samfylkingarinnar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 13.25Nú styttist í kosningarnar og frambjóðendur Samfylkingarinnar hafa verið á þönum um allt kjördæmi og við höfum átt samtal við mjög marga íbúa kjördæmisins, samtal sem mun hjálpa okkur á næstu fjórum árum, því kosningarnar eru bara einn liður, það er hvernig við förum með niðurstöðurnar og sinnum kjördæminu næstu fjögur árin sem skiptir öllu máli.Meira -
Gallerí Ós rekið af hugsjón
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 13.00Blaðamaður Feykis rúntaði yfir fjallið og hitti Henný Rósu og Guðmund sem er fólkið á bak við Gallerí Ós á Blönduósi og spjallaði við þau um handverksmarkaðinn sem opnaði þar nú í sumar.Meira -
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.