Landsnet gerir nú ráð fyrir að Blöndulína 3 fari um Kiðaskarð
Gert er ráð fyrir breyttri legu Blöndulínu 3 sem þvera á framhérað Skagafjarðar í umhverfismatsskýrslu sem Landsnet vinnur nú að . Fallið er frá því að fara með línuna yfir Vatnsskarð, eins og fyrri áætlanir gerðu ráð fyrir, en þess í stað farin svokölluð Kiðaskarðsleið.
Á heimasíðu Landsnets má sjá að aðalvalkostur Blöndulínu 3 felur í sér 220 kV loftlínuvalkosti A1, B1b og C2, samtals 102,6 km leið auk 15,2 km 132 kV jarðstrengs í Skagafirði. Línuleiðin mun liggja frá Blöndustöð í Húnavatnshreppi um Kiðaskarð og niður í Mælifellsdal í Skagafirði. Þaðan austur yfir Eggjar og Héraðsvötn rétt sunnan við ármót Norðurár og inn í mynni Norðurárdals sunnan Norðurár. Þaðan liggur leiðin að mestu samhliða núverandi Rangárvallalínu 1 sem tekin verður niður, um Norðurárdal, Öxnadalsheiði, Öxnadal, Moldhaugaháls, Kræklingahlíð og í tengivirki að Rangárvöllum á Akureyri.
Mynd tekin af Mælifellsvegi, u.þ.b. 4 km suður frá bænum
Mælifellsá. Horft er til vesturs. Fjallið Selhnjúkur fyrir miðri
mynd. Myndin gefur til kynna mögulega ásýnd en ekki er
um endanlega verkhönnun að ræða. Mynd: Landsnet.is.
Ljúka á vinnu við gerð umhverfismatsskýrslu Landsnets sem svo verður send til Skipulagsstofnunar til yfirferðar áður en hægt verður að hefja opinbera kynningu á umhverfismatinu en í skýrslunni greinir Landsnet m.a. frá aðalvalkosti framkvæmdarinnar sem að framan greinir. Í frétt Landsnets segir að þrátt fyrir að á þessu stigi sé umhverfismatsskýrslan ekki fullfrágengin til kynningar, telji Landsnet eðlilegt að upplýsa sveitarfélög, landeigendur og aðra hver sé fyrirhugaður aðalvalkostur.
„Þegar 6 vikna opinbert kynningarferli umhverfismatsskýrslunnar hefst, mun birtast ítarlegur samanburður valkosta og rökstuðningur fyrir aðalvalkosti. Þá gefst tækifæri til að senda umsagnir til Skipulagsstofnunar.
Lögbundnir ferlar umhverfismats gera ekki ráð fyrir sérstakri kynningu aðalvalkostar á þessu stigi. Hins vegar hefur Landsnet væntingar um að hún veiti aukið svigrúm til undirbúnings formlegra umsagna síðar í ferlinu,“ segir á Landsnet.is.
Á vefsjá á vef Landsnets er hægt að nálgast upplýsingar um aðalvalkost ásamt líkanmyndum, sem gefa hugmynd um ásýnd línunnar frá ýmsum nærliggjandi stöðum. Myndirnar sýna breytta ásýnd vegna aðalvalkostar, en einnig eru myndir sem gefa til kynna ásýndarbreytingar annarra valkosta sem voru metnir. Sjá HÉR.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.