Jólin á Króknum – Gömlu góðu jólalögin munu hljóma á Mælifelli
Það er enginn bilbugur á viðburðastjóranum Huldu Jónasar að halda jólatónleika á Sauðárkróki þrátt fyrir að dagsetningin lendi á föstudeginum 13. desember. Á dagskránni verða gömlu og góðu jólalögin sem fólk man eftir, segir Hulda og nefnir lög eins og Hvít jól, Hin fyrstu jól, Jólasveininn minn, Jóla á hafinu og Ég hlakka svo til í bland við nýrri lög.
„Við ætlum að reyna að skapa notalega stemmingu á Mælifelli, dúkum borð með jóladúkum og skreytum staðinn. Ef einhver á gamla jóladúka sem hann þarf að losna við þá má hann endilega vera í sambandi við mig í síma 8660114,“ segir Hulda.
Mynd 1
Sex söngvarar munu stíga á stokk þau Guðbrandur Ægir, Hreindís Ylva, Hugrún Sif, Róbert Smári, Sigurlaug Vordís og Valgerður Erlingsdóttir. Hljómsveitarstjóri er Rögnvaldur Valbergsson, sem einnig hefur útsett öll lögin og með honum í hljómsveitinni eru hjónin Jón Ólafur og Hugrún Sif frá Skagaströnd, Fúsi Ben og Siggi bassi, sem í þetta skiptið leikur á trommur.
Mynd 2
„Við erum einnig með yndislegan barnakór með okkur frá Tónadansi sem er undir stjórn Kristínar Höllu og syngur bæði einn og einnig með söngfuglunum okkar. Hann mun m.a opna tónleika með fallegum söng og er óhætt að segja að kórinn kryddi svo sannarlega upp á tónleikana okkar.“
Mynd 3
Kynnir og sögumaður kvöldsins verður Valgerður Erlingsdóttir sem lumar á mörgum skemmtilegum sögum. Má búast við því að hún fari með gesti aftur í tímann og rifji upp gömlu góðu jólin í gamla bænum á Króknum þegar líf og fjör myndaðist í erlinum í búðaröltinu á Aðalgötunni og versla jólagjafir m.a hjá Fríðu Ásgríms, Þóru Jóhanns og fleirum.
Mynd 4
„Okkur langaði einnig að láta gott af okkur leiða og styrkja góð málefni. Við Valgerður höfum því farið í allskyns nytjaverslanir sem eru að selja vörur til styrkar ýmsum góðum málefnum og keypt þar jólapakka handa öllum tónleikagestum okkar. Það verða kannski skrýtnir hlutir sem koma upp úr jólapökkunum en við erum ekki bara að endurnýta hluti heldur eru þeir eru keyptir í góðum tilgangi til styrktar m.a. Rauða krossinum, Samhjálp,
Mynd 5
Langveikum börnum og fleirum. Svo má ekki gleyma því að það verður leynigestur með okkur. Hver hann er er algjört leyndarmál,“ segir Hulda leyndadómsfull. Miðasala er í fullum gangi en hægt er að panta í síma 866 0114.
Mynd 6
Getspakir lesendur Feykis eiga möguleika á að vinna sér inn miða með því að geta upp á hvaða flytjendur eru á meðfylgjandi myndum. Lausnir þurfa að berast á palli@feykir.is eða á: Feykir, Borgarflöt 1 550 Sauðárkróki, fyrir hádegi fimmtudaginn 12. desember.
Fleiri fréttir
-
Elísa Bríet er íþróttamaður ársins hjá USAH
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.21Elísa Bríet Björnsdóttur, fótboltakona frá Skagaströnd, var í gær kjörin íþróttamaður ársins 2024 hjá Ungmennasambandi Austur-Húnvetninga. Kjörinu var lýst við hátíðlega athöfn í Félagsheimilinu á Blönduósi að viðstöddu fjölmenni. Elísa leikur með meistaraflokki Tindastóls. Hún gerði fyrr á árinu þriggja ára samning við félagið og hefur staðið sig frábærlega, segir á huni.isMeira -
María Dögg Jóhannesdóttir Íþróttamaður Skagafjarðar
feykir.is Skagafjörður, Austur-Húnavatnssýsla, Íþróttir, Vestur-Húnavatnssýsla 20.12.2024 kl. 17.19Árleg uppskeruhátíð UMSS var haldin hátíðleg fimmtudagskvöldið 19. desember í Húsi frítímans að viðstöddu margmenni. Þar voru veitt hvatningarverðlaun fyrir ungt og efnilegt íþróttafólk, styrkir veittir úr Afrekssjóði UMSS og landsliðsfólki UMSS veittar viðurkenningar. Hápunktur hátíðarinnar var þegar lið ársins, þjálfari ársins og íþróttamaður ársins voru tilkynnt og að þessu sinni var kvennalið Körfuknattleiksdeildar Tindastóls valið lið ársins. Finnbogi Bjarnason var valinn þjálfari ársins og Íþróttamaður ársins í Skagafirði 2024 er María Dögg Jóhannesdóttir frá Knattspyrnudeild Tindastóls en hún hefur leitt lið Tindastóls í efstu deild þar sem Tindastóll er komið til að vera.Meira -
Húnaþing vestra tekur þátt í rafrænu geðheilsuátaki
feykir.is Skagafjörður, Austur-Húnavatnssýsla, Vestur-Húnavatnssýsla 20.12.2024 kl. 09.15Húnaþing vestra hefur gert samkomulag við Mental ráðgjöf um þátttöku í rafrænu geðheilsuátaki sem nær til starfsfólks sveitarfélagsins. Á vefnum huni.is segir að sveitarfélagið sé fyrsti vinnustaðurinn á Íslandi til að taka rafræna átakið í notkun, að því er segir á vef þess. Með þátttökunni vill það sýna skýra skuldbindingu sína til að setja geðheilbrigði á vinnustað rækilega á dagskrá með því að auka vitund og veita fræðslu um geðheilbrigði fyrir allt starfsfólks sveitarfélagsins. Hjá Húnaþingi vestra starfa um 115 manns á níu starfsstöðvum.Meira -
Rótarýklúbbur Sauðárkróks lætur gott af sér leiða
feykir.is Skagafjörður 19.12.2024 kl. 12.04Rótarýklúbbur Sauðárkróks heldur áfram að láta gott af sér leiða og afhenti nýlega Fjölskylduhjálp Skagafjarðar kr. 1.000.000.-Meira -
Höfðinglegur styrkur Gæranna á árinu
feykir.is Skagafjörður, Austur-Húnavatnssýsla, Vestur-Húnavatnssýsla 19.12.2024 kl. 09.18Nytjamarkaðurinn á Hvammstanga er mörgum af góðu kunnur. Hann er rekinn af Gærunum, vöskum hópi kvenna sem hafa lagt áherslu á að gefa aftur út í samfélagið til hinna ýmsu framfaramála þann ágóða sem er af rekstri markaðarins. Slagorð þeirra er „Eins rusl er annars gull“. Eru það orð að sönnu því á árinu sem er að líða gáfu þær líkt og fyrri ár gjafir til stofnana sveitarfélagsins af miklum rausnarskap, segir á heimasíðu Húnaþings vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.