Jólamót Molduxa og Styrktar- og skemmtikvöld
Jólamót Molduxa 2015 verður haldið í dag, annan í jólum, en allur ágóði af mótinu rennur til Körfuknattleiksdeildar Tindastóls. Í kvöld blæs körfuknattleiksdeildin til fagnaðar á Kaffi Krók en hápunktur kvöldsins verður þegar frumflutt verður nýtt stuðningsmannalag félagsins.
Jólamótið verður sett kl. 11:55 og hefjast fyrstu leikir kl. 12:00. Samkvæmt Facebook-síðu Molduxa eru 18 lið skráð til leiks en fram kemur að ekki komust öll lið að sem vildu að í þetta sinn og sitja Molduxarnir sjálfir hjá í fyrsta skipti.
„Búið er að birta leikjaniðurröðun á grúppu hér á Facebook sem heitir Jólamót Molduxa. Þar munu svo úrslit og næstu umferðir birtast. Mikilvægt er að liðin séu klár á tímasetningum og hafi með sér leikgleðina og prúðmennskuna,“ segir á Facebook-síðunni.
Nýtt stuðningsmannalag frumflutt í kvöld
Styrktar- og skemmtikvöldið hefst á Kaffi Krók kl. 20:30. Boðið verður upp á léttar veitingar og haldið verður happdrætti og uppboð með spennandi vinningum til styrktar Körfuknattleiksdeildarinnar. Sem fyrr segir verður hápunktur kvöldins þegar frumflutt verður nýtt stuðningsmannalag félagsins en flytjandi þess er einn heitasti söngvari landsins þessa stundina.
„Upplagt er að byrja daginn í Íþróttahúsinu og horfa á heimsklassa körfuknattleik því að Molduxamótið er einnig annan í jólum byrjar það kl. 12:00, það er eitthvað sem engin má láta framhjá sér fara. Mætum nú sem flest og höfum gaman saman og styðjum gott málefni í leiðinni,“ segir á síðunni. Miðaverð 3500 kr.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.