Hélt upp á Heiðubækurnar sem barn
Elsa Stefánsdóttir var gestur Bók-haldsins í 21. tölublaði síðasta árs. Þær eru ófáar bækurnar sem um hendur hennar fara en hún starfar sem bókavörður í skólabókasafninu á Hofsósi og við Hofsóssdeild Héraðsbókasafnsins. Elsa les einnig mikið og segir hún að skáldsögur verði oftast fyrir valinu þó ein og ein ævisaga slæðist með.
Hvers konar bækur lestu helst?
Skáldsögur, íslenskar og erlendar og einstaka ævisögur ef mér sýnist þær vera áhugaverðar.
Hvaða bækur voru í uppáhaldi hjá þér þegar þú varst barn?
Þær fyrstu sem ég man eftir voru bækurnar um Heiðu eftir Jóhönnu Spyri. Einnig las ég allt sem ég náði í eftir Enid Blyton, Ármann Kr. Einarsson, Jennu og Hreiðar Stefánsson og einhverja fleiri sem ég man ekki nöfnin á. En ég las allt sem hönd á festi.
Hver er uppáhaldsbókin af þeim sem þú hefur lesið gegnum tíðina?
Það er ekki svo gott að segja, hver eða hverjar eru í uppáhaldi. En bókin Veröld víð og svo bækur Vilborgar Davíðsdóttur um Auði djúpúðgu eru athyglisverðar. Einnig bók Böðvars Guðmundssonar Híbýli vindanna/Lífsins tré.
Hver er þinn uppáhaldsrithöfundur og hvers vegna?
Á engan uppáhalds, en les mikið af bókum eftir Guðrúnu frá Lundi, Jónínu Leósdóttur, Indriða G. Þorsteinsson, Vilborgu Davíðsdóttur, Arnald lndriðason, Ragnar Jónasson og fleiri. Einnig les ég mikið sænskar sakamálasögur og þá helst á frummálinu.
Hvaða bækur eru á náttborðinu hjá þér þessa dagana?
Þær eru nokkrar, ég er að lesa Sölvasögu unglings og Sölvasögu Daníelssonar eftir Arnar Má Arngrímsson. En einnig eru bækurnar: Hin ósýnilegu, Morðið í Snorralaug, Ekki vera sár, Andlitslausa konan og Det som göms i snö, i stafla þar, því ég á eftir að skila þeim.
Ertu fastagestur á einhverju bókasafni?
Já, það má segja það því ég vinn á skólabókasafni Grunnskólans austan Vatna og einnig hjá Hofsóssdeild Héraðsbókasafnsins.
Áttu þér uppáhaldsbókabúð?
Nei, sama hvaðan gott kemur, það væri samt gaman að fara og skoða bókabúðina á Flateyri.
Hvað áttu margar bækur í bókahillunum heima hjá þér?
Við eigum u.þ.b. 500 í bókahillum og kannski um 150 ofan í kössum.
Hvað kaupirðu eða eignast að jafnaði margar nýjar bækur yfir árið?
Kaupi engar nema til gjafa og það er mjög misjafnt hvað það eru margar bækur.
Eru ákveðnir höfundar/bækur sem þú færð „alltaf“ í jólagjöf?
Fæ ekki lengur bækur í gjöf nema þá handavinnubækur og mörg árin er engin.
Hefur einhver bók sérstakt gildi fyrir þig?
Já, það er sálmabókin sem foreldrar mínir gáfu mér þegar ég var fermd.
Hefur þú heimsótt staði sem tengjast bókum eða rithöfundum þegar þú ferðast um landið eða erlendis?
Nei ekki enn, en það væri gaman að fara með Kristínu S. Einarsdóttur á slóðir Guðrúnar frá Lundi eða í Vestur-Húnavatnssýsluna á slóðir Agnesar og Friðriks. Náðarstund.
Ef þú ættir að gefa einhverjum sem þér þykir vænt um bók, hvaða bók yrði þá fyrir valinu?
Í augnablikinu er engin sem mér dettur í hug. (Ég bíð bara eftir að Dísa og Villi gefi út myndabók sem væri ljóðskreytt af Siggu, systur Dísu!)
Fleiri fréttir
-
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira -
Verndari Vatnsdalshólanna
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 14.00Dóra flutti í Vatnsdalshóla 2016 og opnaði Listakot Dóru 2018 en er búin að vinna við handverk og listir í yfir 30 ár. Fyrst á Hvammstanga og svo á Hvolsvelli en þaðan kom hún aftur heim. Ættin Dóru er búin að vera í Vatnsdalshólum í um það bil 147 ár. Hún sleit sínum barnsskóm í Vatnsdalshólum og segir það hafa verið frábært að koma heim aftur. Dóra er sveitastelpa og mikið náttúrubarn og henni finnst gaman að geta unnið að list sinni.Meira -
Á ferð um Norðvestur kjördæmi | Frá efstu frambjóðendum Samfylkingarinnar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 13.25Nú styttist í kosningarnar og frambjóðendur Samfylkingarinnar hafa verið á þönum um allt kjördæmi og við höfum átt samtal við mjög marga íbúa kjördæmisins, samtal sem mun hjálpa okkur á næstu fjórum árum, því kosningarnar eru bara einn liður, það er hvernig við förum með niðurstöðurnar og sinnum kjördæminu næstu fjögur árin sem skiptir öllu máli.Meira -
Gallerí Ós rekið af hugsjón
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 13.00Blaðamaður Feykis rúntaði yfir fjallið og hitti Henný Rósu og Guðmund sem er fólkið á bak við Gallerí Ós á Blönduósi og spjallaði við þau um handverksmarkaðinn sem opnaði þar nú í sumar.Meira -
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.