Heilög hæna og snúðar á eftir
„Þegar mikið er að gera er gott að geta hent í fljótlegan og góðan rétt, nú eða þegar mann langar bara í eitthvað virkilega gott. Rétturinn er fljótlegur og einfaldur og alveg einstaklega djúsí og ekkert mál að græja hann á stuttum tíma. Eftirrétturinn er svo sykurbomba sem slær alls staðar í gegn,“ segir Inga Rut Hjartardóttir sem var matgæðingur í 43. tbl. Feykis 2017. Inga er Skagfirðingur, fædd og uppalin á Sauðárkróki en flutti til Akureyrar með fjölskyldu sinni fyrir nokkrum árum þar sem hún lauk námi í sjávarútvegsfræði og starfar nú sem sjávarútvegsfræðingur hjá Wise lausnum á Akureyri.
AÐALRÉTTUR
Heilög hæna
1 kjúklingur
1 dós rjómalöguð kjúklingasúpa (Campells)
½ tsk karrý
1 bolli majones eða 1 dós sýrður rjómi
sítrónusafi
1 dós grænn aspas
raspur
ostur
Aðferð:
Öllu skellt saman í skál og hrært vel. Sett í eldfast mót og raspur og ostur yfir. Skellt inn í ofn í u.þ.b. 20-30 mínútur eða þar til osturinn er bráðinn og ljósbrúnn.
EFTIRRÉTTUR
Mjúkir kanelsnúðar með glassúr
Uppskriftin gefur 12-15 dúnmjúka snúða.
1 bolli volg mjólk
¼ bolli bráðið smjör
5 msk. sykur
2½ tsk. ger
Öllu blandað saman og látið standa í 10 mínútur eða þar til gerið freyðir.
1 stórt egg, örlítið þeytt
3½ bolli hveiti
¼ tsk. salt
olía
Aðferð:
Bætið þeyttu egginu við mjólkurblönduna. Setjið nákvæmlega 3½ bolla af hveiti og einnig saltið saman við og blandið þar til komið er mjúkt deig (deigið gæti verið klístrað). Hnoðið deigið þar til það er slétt og teygjanlegt (í u.þ.b. 2 mínútur). Berið olíu inn í litla skál, setjið deigið í hana og breiðið rakt handklæði yfir. Leyfið þessu að lyfta sér í 30 mínútur í hita (eða þar til það tvöfaldast að stærð).
Rúllið deigið á borði, smyrjið bræddu smjörið yfir það og stráið brúnsykri og kanil jafnt yfir. Nuddið kanilblöndunni varlega ofan í smjörið. Rúllið deigið vel upp og skerið í 12 til 15 sneiðar. Raðið sneiðunum á ofnplötu. Breiðið rakt stykki yfir og látið hefast í u.þ.b. 30 mínútur eða þar til stærðin hefur tvöfaldast.
Hitið ofninn í 175°C og bakið í um 25 mínútur.
Krem
110 g rjómaostur
2 msk. bráðið smjör
2 msk. mjólk
1 tsk. vanilla extract
1 bolli flórsykur
Öllu, nema flórsykri, er hrært saman, flórsykri bætt varlega saman við og hrært vel. Hellt yfir snúðana meðan þeir eru volgir. Berið fram volgt.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.