Flugeldur kveikti sinueld í Litlaskógi
Mikinn reyk lagði upp úr Litlaskógi á Sauðárkróki seinni partinn í gær þar sem eldur logaði í sinu og visinni lúpínu. Kviknað hafði í út frá flugeldi sem stefnulaust endaði í brekkunni ofan gömlu sundlaugarinnar en krakkar höfðu tekið prikið af flugeldinum og tendrað. „Þegar þeir kveikja í honum fer hann bara út í loftið og lendir þarna í hlíðinni svo berst eldurinn í sinuna og lúpínuna sem er þarna. Þetta var bara fikt,“ segir Svavar Atli Birgisson, slökkviliðsstjóri.
„Við komum og slökkvum og gekk bara fínt, veður var hagstætt sem bjargaði ýmsu. Ég hefði ekki boðið í þetta ef það hefði verið vindur, þá hefði þetta farið hraðar yfir,“ segir Svavar en brunavettvangur var mikið þurrari en hann bjóst við.
„Ég átti ekki von á því að það væri svona þurrt, ekki á þessum árstíma því snjórinn er nýfarinn. Þetta eru mjög varasamar aðstæður.“
Svavar segir að þokkalega hafi gengið að komast að svæðinu en hægt var að aka norðan Sauðárgilsins. Telur hann að ef eldurinn hefði verið ofar hefði verið erfiðara að komast að vegna aurbleytu.
„Það má segja að þetta hafi gerst á góðum stað, í brekkunni beint upp af sundlauginni gömlu. Eldurinn var að nálgast trén en ef hann hefði farið inn í trjágróðurinn þá hefðu slökkvistörf tekið meiri tíma og orðið erfiðara verkefni. Þetta gerist mjög hratt,“ segir Svavar.
Hafa sinubrunar verið vandamál?
„Við höfum ekki verið í miklum vandræðum á okkar svæði en áttum við tvo, þrjá í fyrra. Þetta kemur upp öðru hvoru en menn eru í bölvuðum vandræðum víða á landinu með þetta.“ Svavar segir fólk almennt ganga vel um og slökkviliðið blessunarlega sloppið við gróðurelda út frá einnota grillum sem víða annars staðar eru skilin eftir og geta þannig valdið tjóni. „Hins vegar hef ég séð nokkur einnota grill í Litlaskógi, sem er ekki í boði. Þau voru á víð og dreif en ekki á því svæði sem hugsuð eru í þetta,“ segir Svavar.
Ávallt er ástæða til að hvetja fólk að fara varlega með eld, ekki síst núna þegar gróður er þurr í vorblíðunni.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.