Ferðinni í Húsgilsdrag gerð skil í Feyki vikunnar
Í Feyki vikunnar er í ýmis horn að líta, eins og ávallt. Fastir liðir eins og venjulega, afþreying í boði hússins í bland við skemmtilega umfjallanir og viðtöl. Ferðasaga um leiðangur fámenns hóps í Húsgilsdrag þar sem minningarplatti um Helgu Sigurðardóttur, fylgikonu Jóns Arasonar, síðasta kaþólska biskups fyrir siðaskipti, var festur á stein.
Gamla hlaðan lifnar við, er fyrirsögn á viðtali við Magnús Frey Gíslason en hann ásamt fleirum ætla að blása lífi í gömlu hlöðuna sem stendur við mynni Sauðárgils og Litlakógar. Stefnt er á opnun kaffihúss þar á næsta ári.
Svala Runólfsdóttir, héraðsskjalavörður í Austur-Húnavatnssýslu, skrifar aðsenda grein um mikilvægi skjalavörslu en stefnt er á að halda námskeið í samvinnu skjalasafna á Norðurlandi vestra og Þjóðskjalasafni Íslands.
Hinn geysivinsæli þáttur um torskilin bæjarnöfn er þar einnig að finna og eru Skeggjastaðir í Miðfirði teknir til skoðunar. Leiddar eru líkur að því að upprunalega nafnið á jörðinni hafi verið Skeggvaldastaðir.
Fyrir skömmu fóru nokkrir galvaskir áhugamenn um sögu Helgu Sigurðardóttur, fylgikonu Jóns Arasonar, síðasta kaþólska biskups Íslands fyrir siðaskipti, með minningarplatta í Húsgil sem staðsett er á bak við Glóðafeyki í Blönduhlíð. Þar hafðist hún við sumarið 1551 í tjaldi í felum fyrir dönskum konungsmönnum sem árið áður höfðu líflátið Jón og tvo syni þeirra. Sagt er frá ferðinni í gamansömum tón og Sigurður Hansen tekinn tali.
Vicki O´Shea segir frá starfsemi listamiðstöðvarinnar Nes á Skagaströnd en þar heftur verið tekið á móti tæplega 1000 listamönnum á tólf árum.
Söngkonan unga og áður efnilega, nú frábæra, svarar spurningum í Tón-lystinni en eitt af topp 10 bestu mómentum lífs hennar var að hitta Ariönu Grande.
Sagt er frá skemmtilegu verkefni sem nokkrar stúlkur á Sauðárkróki unnu að í sumar, Stelpur – on the run, en þær hittust reglulega og hlupu góðgerðahlaup til styrktar Barnaspítala Hringsins.
Þéttur íþróttapakki er á sínum stað ásamt matgæðingunum Sunnu Gylfa og Davíð Þór og sem bjóða upp á andavefjur, Tagliatelle og franska súkkulaðiköku. Vísnaþáttur númer 767 er einnig að finna og geymir margar góðar vísur eins og þessa eftir Reyni Hjartarson:
Gott er að hafa gangnamenn slíka
sem grenjandi hríðin ei heftir.
Hundarnir týndust og hestarnir líka
og helmingur fjárins varð eftir.
Þá má ekki gleyma að telja upp aflafréttir, afþreyinguna, fréttir og spurningu vikunnar.
Fleiri fréttir
-
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira -
Kuldatíðin setur strik í reikning sundlauganna á Hofsósi og Króknum
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.50Það er ekki laust við að frostíð bíti í dag og sökum kuldatíðar munu laugarkör sundlauganna á Sauðárkróki og Hofsósi verða lokuð tímabundið. Pottarnir verða hins vegar verða opnir samkvæmt opnunartíma.Meira -
Réttindabarátta sjávarbyggðanna | Eyjólfur Ármannsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 14.29Helsta forgangsmál Flokks fólksins er baráttan gegn fátækt. Flokkur fólksins berst fyrir að allir fái lifað mannsæmandi lífi. Lífsgæði eru ekki einkaréttur útvalinna! Það á einnig við um landsbyggðina og sjávarbyggðir.Meira -
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.