Kristvina ráðin í starf aðstoðarskólastjóra í Varmahlíð
Í byrjun árs var auglýst laus staða aðstoðarskólastjóra við Varmahlíðarskóla í Skagafirði. Nú fyrir helgi var tilkynnt um að Kristvina Gísladóttir hafi verið ráðin í starfið og mun hún taka við starfinu í febrúar. Alls bárust fimm umsóknir um starfið. Kristvina hefur starfað í Varmahlíðarskóla undanfarin 20 ár.
Ekki skortir Kristvinu reynsluna af starfi aðstoðarskólastjóra í Varmahlíð því hún sinnti starfinu áður árin 2008–2017. „Þess utan hefur hún starfað í Varmahlíðarskóla sem umsjónarkennari og námsráðgjafi á tímabili. Kristvina þekkir því stefnu og áherslur Varmahlíðarskóla afar vel ásamt því sem felst í starfi aðstoðarskólastjóra. Kristvina er fagmenntaður grunnskólakennari og að auki lauk hún diplómanámi í jákvæðri sálfræði frá Endurmenntun Háskóla Íslands í fyrra,“ segir í frétt á heimasíðu Skagafjarðar en um leið og Kristvina er boðin velkomin til starfa er Láru Gunndísi Magnúsdóttur, fyrrum aðstoðarskólastjóra, þakkað fyrir hennar góða starf undanfarin ár,
Þá má geta þess að nýr skólastjóri var ráðinn í Varmahlíðarskóla síðastliðið sumar en þá tók Trostan Agnarsson við stjórnartaumunum úr höndum Hönnu Dóru Björnsdóttur.
Fleiri fréttir
-
Gallup mældi Miðflokkinn stærstan í Norðvesturkjördæmi
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 16.58Síðustu könnunar Gallup fyrir þingkosningarnar var beðið með nokkurri óþreyju í gær og hún birtist seint og um síðir. Alls voru það 169 manns sem svöruðu í Norðvesturkjördæmi, sem er ekki stórt hlutfall, en alls voru það 2077 sem svöruðu könnuninni á landsvísu. Niðurstaðan í NV-kjördæmi var sú að sex flokkar fá einn þingmann og síðan er spurning hver hlýtur uppbótarþingmanninn. Miðflokkurinn, sem hefur dalað nokkuð á landsvísu síðustu daga, mælist stærstur í kjördæminu með 18,6% fylgi.Meira -
Drama og dómarakonsert í dúndurleik í Síkinu
feykir.is Skagafjörður, Íþróttir, Lokað efni 30.11.2024 kl. 16.20Í gærkvöldi mættust lið Tindastóls og Álftaness í Síkinu í áttundu umferð Bónus-deildarinnar. Leikurinn varð hin mesta skemmtun en kannski full mikið drama fyrir þá sem innlifaðistir eru. Benni þjálfari Stóla og Drungilas urðu báðir að yfirgefa Síkið áður en fyrri hálfleikur var úti eftir nettan flautukonsert dómaratríósins – sem sumum þótti þó pínu falskur. Bæði lið sýndu frábæra takta en það voru heimamenn sem reyndust sleipari á svellinu, voru ákafari og lönduðu sætum sigri. Lokatölur 109-99.Meira -
Kosið til Alþingis í dag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 30.11.2024 kl. 15.19Það er kosið til Alþingis í dag. Allir vegir á Norðurlandi vestra eru færir, í það minnsta sem stendur, en víða hálka. Víða er þó éljagangur eða skafrenningur. Reikna má með svipuðu veðri áfram út daginn, norðaustan 10-13 m/sek og lítils háttar snjókomu.Meira -
Verkfalli kennara frestað
feykir.is Skagafjörður, Lokað efni 29.11.2024 kl. 15.43Mbl.is segir frá því að verkföllum kennara hefur verið frestað út janúar í þeim tilgangi að gefa samninganefndum kennara, ríkis og sveitarfélaga vinnufrið í þeim kjaraviðræðum sem nú standa yfir. Deiluaðilar hafa skrifað undir samkomulag þess eðlis.Meira -
Kjósum öflugan leiðtoga | Frá stuðningsmönnum Ólafs Adolfssonar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 15.29Ólafur Adolfsson hefur allt til að bera sem þarf í hlutverk fyrsta þingmanns kjördæmisins. Djúpar rætur hans sem Snæfellings, landsþekkt forysta hans sem keppnismanns í íþróttum, farsæll, sigursæll og árangursríkur ferill sveitarstjórnarmanns á Akranesi og ekki síst óþreytandi barátta hans sem lyfsali á landsbyggðinni í baráttu við ofurefli.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.