Covid smit á hraðri uppleið
Í tilkynningu frá aðgerðastjórn almannavarna á Norðurlandi vestra fyrr í dag segir frá áframhaldandi aukningu á smitum í umdæminu: „Töluverð hreyfing er á töflunni, en enn sem komið er eru fleiri ný smit að koma inn en þau sem að eru að detta út.“
Fjölgað hefur um 17 manns í einangrun á Norðurlandi vestra frá því í gær, mest á Sauðárkróki þar sem 15 manns hafa greinst með Covid. Lítilsháttar breytingar hafa orðið annars staðar í umdæminu, ýmist fjölgað eða fækkað eftir póstnúmerum.
2.881 smit greindist innanlands síðasta sólarhring og eru 11.494 í einangrun á landinu öllu, 50 á sjúkrahúsi og þrír á gjörgæslu. Þá hafa alls 99.764 Covid-19 smit verið staðfest frá 28. febrúar 2020 sem gerir að minnst 26,2% íbúa hafi greinst með veikina en 2.040 manns hafa endursmitast.
Landspítali er enn á hættustigi en þar liggja 44 sjúklingar með Covid og segir á heimasíðu spítalans að þeir þrír sem eru á gjörgæslu séu allir í einangrun en enginn í öndunarvél.
„Síðasta sólarhring bættust 7 sjúklingar í hópinn og 11 voru útskrifaðir eða einangrun aflétt. Nú eru 342 starfsmenn í einangrun en síðasta sólarhring greindust tæplega 50 starfsmenn. Frá 15. desember til og með 16. febrúar hafa 1.463 starfsmenn Landspítala greinst með COVID og ýmist lokið einangrun eða eru í einangrun,“ segir í tilkynningu frá farsóttanefnd en í gær greindist metfjöldi smita eða tæplega 3.000 en að auki komu tæplega 900 jákvæð sýni inn eftir miðnætti sem teljast þá með smitum dagsins í dag.
Fleiri fréttir
-
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira -
Spenntir nemendur Höfðaskóla tóku viðtal við Herra Hnetusmjör
feykir.is Austur-Húnavatnssýsla, Mannlíf, Lokað efni 29.11.2024 kl. 12.11Nemendur í valgreininni skólablað í Höfðaskóla á Skagastrond eru að leggja lokahönd á blaðið sem á að koma út fyrir jólin eða svo segir í frétt á vefsíðu skólans. Í blaðinu verða ýmis viðtöl og var stóri draumurinn að fá að taka viðtal við Herra Hnetusmjör sem flestir, ef ekki allir lesendur Feykis, ættu að hafa heyrt um, enda kappinn einn alvinsælasti tónlistarmaður landsins og fer nú á kostum með félögum sínum í IceGuys.Meira -
Ykkar fulltrúar | Arna Lára Jónsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 10.53Kjördagur er á morgun og lokasprettur í kosningabaráttunni er hafinn. Við frambjóðendur Samfylkingarinnar í Norðvestur höfum verið á ferð og flugi um kjördæmið, fengið að kynnast fjölmörgum íbúum og fyrirtækjum í bland við gamla kunningja. Fyrir hönd okkar vil ég þakka öllum sem hafið tekið á móti okkur, boðið okkur spjall, nestað okkur með góðum hugmyndum og leyft okkur að heyra um áskoranir í daglegu lífi. Þessi samtöl gefa okkur kjark og orku að berjast fyrir hagsmunum kjördæmisins.Meira -
Rökkurganga í Glaumbæ 1. desember
feykir.is Skagafjörður, Listir og menning, Lokað efni 29.11.2024 kl. 10.21Starfsfólk Byggðasafns Skagfirðinga skellir sér í sauðskinnsskóna – eða kuldaskóna – á sunnudaginn 1. desember og býður gestum að njóta samveru í rökkrinu í gamla bænum í Glaumbæ. „Andrúmsloftið í bænum verður eins og við jólaundirbúning um 1900,“ segir í tilkynningu frá safninu.Meira -
Við þorum að taka ákvarðanir | Gunnar Bragi Sveinsson skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 09.41Kjördæmið okkar hefur verið afskipt um of langan tíma um leið og tækifærin eru um allt. Við þurfum að fá að nýta þessi tækifæri og fá til þess stuðning þar sem við á.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.