Brottflogin grágæs frá Blönduósi dúkkar upp í Ålbæk
Nú í vikunni var í fjölmiðlum sagt frá ferðum íslensku grágæsarinnar NAV sem merkt var á Blönduósi sumarið 2017. Haft er eftir Arnóri Sigfússyni, dýravistfræðingi hjá Verkís, að rétt fyrir áramót hafi hún verið stödd á Norður-Jótlandi og að þetta sé í fyrsta skipti sem íslensk grágæs sjáist í Danmörku, svo vitað sé. Í frétt Húnahornsins segir að Arnór séBlönduósingum kunnugur því hann hefur staðið fyrir merkingum íslenskra grágæsa þar og fylgst með ferðum þeirra.
NAV sást á hefðbundnum vetrarstöðvum íslenskra gæsa á Skotlandi veturinn eftir að hún var merkt og á heimaslóðum á Blönduósi sumrin 2018 og 2019. Arnór telur líklegast að hún hafi verið í Skotlandi síðustu tvo vetur þótt ekki hafi borist tilkynningar um það.
Arnór frétti svo af NAV á Mæri og í Raumsdal og í Þrændalögum í Noregi í maí og október í fyrra. Nú hefur hann fengið upplýsingar um að hún hafi sést í Ålbæk á Norður-Jótlandi í Danmörku 30. desember sl. Það eru óvenjulegar slóðir íslenskra gæsa. Telur Arnór ekki ólíklegt að NAV sé flutt til Noregs og hafi farið suður til Danmerkur með norskum gæsum.
Heimild: Húnahornið sem hefur eftir Morgunblaðinu
Fleiri fréttir
-
Kjörstaðir á Norðurlandi vestra
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 14.00Á morgun laugardaginn 30.nóvember geta þeir sem hafa náð 18 ára aldri, eiga lögheimili á íslandi og íslenskir ríksi-borgarar kosið til Alþingis.Meira -
Verndari Vatnsdalshólanna
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 14.00Dóra flutti í Vatnsdalshóla 2016 og opnaði Listakot Dóru 2018 en er búin að vinna við handverk og listir í yfir 30 ár. Fyrst á Hvammstanga og svo á Hvolsvelli en þaðan kom hún aftur heim. Ættin Dóru er búin að vera í Vatnsdalshólum í um það bil 147 ár. Hún sleit sínum barnsskóm í Vatnsdalshólum og segir það hafa verið frábært að koma heim aftur. Dóra er sveitastelpa og mikið náttúrubarn og henni finnst gaman að geta unnið að list sinni.Meira -
Á ferð um Norðvestur kjördæmi | Frá efstu frambjóðendum Samfylkingarinnar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 29.11.2024 kl. 13.25Nú styttist í kosningarnar og frambjóðendur Samfylkingarinnar hafa verið á þönum um allt kjördæmi og við höfum átt samtal við mjög marga íbúa kjördæmisins, samtal sem mun hjálpa okkur á næstu fjórum árum, því kosningarnar eru bara einn liður, það er hvernig við förum með niðurstöðurnar og sinnum kjördæminu næstu fjögur árin sem skiptir öllu máli.Meira -
Gallerí Ós rekið af hugsjón
feykir.is Skagafjörður, Austur-Húnavatnssýsla, Vestur-Húnavatnssýsla, Listir og menning, Mannlíf, Lokað efni, Handverk 29.11.2024 kl. 13.00Blaðamaður Feykis rúntaði yfir fjallið og hitti Henný Rósu og Guðmund sem er fólkið á bak við Gallerí Ós á Blönduósi og spjallaði við þau um handverksmarkaðinn sem opnaði þar nú í sumar.Meira -
Veðrið á kjördag
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 29.11.2024 kl. 12.12Framan af vikunni voru talsverðar áhyggjur af kosningaveðrinu enda gerðu spár ráð fyrir mögulegu óveðri. Norðurland vestra virðist ætla að sleppa nokkuð vel frá veðrinu en verst verður það væntanlega á austanverðu landinu þar sem vindur og úrkoma verða mest. Þannig er spáð skaplegu veðri í Skagafirði á morgun, heldur hvassara í Húnavatnssýslum en alla jafna er aðeins gert ráð fyrir lítils háttar snjókomu á Norðurlandi vestra.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.