Beitukóngur, sveigjanleg glás og rabarbarakaka
Í 28. tbl. ársins 2017 var skyggnst í pottana hjá Erlu Björk Örnólfsdóttur, sjávarlíffræðingi og rektor Háskólans á Hólum. Erla hefur búið á Hólum frá því í maí 2012 og var þá að hefja sitt sjötta starfsár við háskólann. „Ég nýt búsetu á Hólum, umlukin tignarlegum fjöllum og fádæma veðursæld,“ sagði Erla. „Uppskriftir þær sem ég deili eru mínar uppáhalds, en uppruni dálætisins er af nokkuð ólíkum toga. Aðalrétturinn, sem er orkuríkt vetrarfóður, og kakan eiga það sammerkt að vera árstíðabundin í matargerð og aðgengilegt hráefni á meðan erfiðara er að nálgast beitukóng til matreiðslu en hann er afar skemmtilegt hráefni. Beitukóngur er sæsnigill, sem finnst víða á grunnsævi, t.d. í Húnaflóa og Skagafirði, þó eingöngu hafi hann verið veiddur í Breiðafirði og þá til útflutnings. Verði þessi uppskrift einhverjum hvatning til að skella niður gildru og safna beitukóngi, þá væri það frábært. Það er dálítið maus að hreinsa beitukónginn, en vel þess virði,“ segir Erla.
FORRÉTTUR
Kryddleginn beitukóngur á salatbeði
500 g beitukóngur (hreinsaður)
100 ml ólífuolía
80 ml hvítt balsamic edik
20 g fersk basilika
8 hvítlauksgeirar
ögn af sykri
salt og pipar eftir smekk
Til þess að ná 500 grömmum af hreinsuðum beitukóngi þarf töluverðan fjölda af beitukóngum. Beitukóngar sem eru um sex til átta sentímetrar eru þægilegri til meðhöndlunar en byrja þarf á að brjóta þá úr kuðungnum, t.d. með klaufhamri, og skera því næst innyflin frá bolnum. Búkur snigilsins er skolaður í vatni og því næst soðinn í 30-35 mínútur. Beitukóngurinn er skorinn í tvennt eftir suðu og kældur áður en hann er baðaður í kryddleginum.
Öllu hráefni í kryddlöginn er blandað saman og hellt yfir beitukóngana og geymt í kæli í 2-3 tíma fyrir framreiðslu. Grænt salat hvers konar er gott með þessum rétti.
AÐALRÉTTUR
Glás með kryddpylsu og linsubaunum
2 msk. matarolía
360 g sterkar pylsur
150 g beikon
2 laukar
1 dós niðursoðnir tómatar
2 bollar vatn (eða eftir þörfum)
kjötkraftur
800 g soðnar grænar linsubaunir úr dós
1 tsk paprika
2 tsk rautt vínedik
salt og pipar
blóðberg til skrauts
Olíuskvettan er hituð í djúpri pönnu eða potti og niðurskornu beikoni og pylsum (t.d. pólskar kryddpylsur) bætt á pönnuna og steikt þar til beikonið er gyllt. Þá er kjötið tekið af pönnunni og laukurinn gljáður í olíunni. Því næst er tómatnum, vatni, kjötkrafti og baunum bætt út í og soðið í 10 mínútur (ef baunir eru forsoðnar). Beikoni og pylsum bætt út í og suðan látin koma upp á ný um leið og ediki og kryddi er bætt við eftir smekk. Skreytt með blóðbergi fyrir framreiðslu.
Ef notaðar eru ósoðnar baunir (lagðar í bleyti daginn fyrir eldamennsku) er suðutíminn töluvert lengri eftir að baunum hefur verið bætt í. Í stað grænna linsubauna má nota aðrar linsubaunir eða kjúklingabaunir.
Þessi réttur er einfaldur í allri gerð og býður upp á mikinn sveigjanleika í eldamennsku, eftir því hvað til er í skápunum og tilefni. Til dæmis má breyta áferðinni úr glás í súpu með því að leika sér að hlutföllum bauna og vökva og standi hugurinn til bragðmikillar matargerðar má auka við kryddið, t.d. með chili pipar. Eins og margir réttir sem eldaðir eru í einum potti þá bragðast hann ekki síður vel upphitaður.
EFTIRRRÉTTUR
Rabarbarakaka með rjómaosti
100 g smjör
250 g sykur
1 dl mjólk
1 egg
1 dl rjómaostur
3 dl hveiti
1 tsk lyftiduft
4-5 rabarbarastilkar
Smjör og sykur þeytt saman, eggi bætt út í og hrært. Því næst er öllu öðru hráefni bætt í, utan rabarbaranum, og hrært. Deigið sett í eldfast mót og rabarbarabitum (2-3 cm) stungið ofan í deigið. Bakað við 175°C í um 50 mínútur. Í stað rabarbara má nota rifsber eða önnur súr ber, ef vill. Kakan er afar bragðgóð ein og sér og enn betri með þeyttum rjóma eða vanilluís.
Fleiri fréttir
-
Hressandi að skella sér í sjósund
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 17.15Ingibjörg Davíðsdóttir er oddviti Miðflokksins frá bænum Arnbjargarlæk í Þverárhlíð í Borgarbyggð, fædd á Akranesi 1970 og á einnig ættir að rekja til Breiðafjarðareyja, Reykhóla og Múla á Barðaströnd. Ingibjörg á eina uppkomna dóttur og á heima í sveitinni og Garðabæ. Hún er sendiherra og stjórnarformaður Íslenska fæðuklasans. Hefur starfað í utanríkisþjónustunni í ríflega 25 ár, meðal annars sem sendiherra Íslands í Noregi, ráðgjafi forsætisráðherra í utanríkismálum ásamt því að starfa í sendiskrifstofum Íslands í Genf, Vínarborg og London. Ingibjörg tók sér leyfi frá utanríkisþjónustunni í fyrra og stofnaði Íslenska fæðuklasann.Meira -
Það sem maður veitir athygli vex og dafnar
feykir.is Skagafjörður, Listir og menning, Lokað efni 23.11.2024 kl. 12.09Það er margt í mörgu, sagði einhver einhverntímann, og hitti þar mögulega naglann rækilega á höfuðið. Greinarskrifari rak nýlega augun í viðburði í sveitinni sem komu honum svolítið spánskt fyrir sjónir; Kakóstund og 9D BreathWork. Það er Þóra Kristín Þórarinsdóttir frá Frostastöðum í Blönduhlíðinni sem stendur að baki þessum viðburðum. Það var ekkert vit í öðru en að kynna sér málið aðeins og senda Þóru nokkrar spurningar og rétt að byrja á því að spyrja hvað hún sé að gera þessa dagana.Meira -
Ætlaði að verða prestur
feykir.is Skagafjörður, Austur-Húnavatnssýsla, Vestur-Húnavatnssýsla, Lokað efni 23.11.2024 kl. 11.37Eldur Smári er oddviti Lýðræðisflokksins í Norðvesturkjördæmi og er fæddur á Sauðárkróki í nóvember 1979. Foreldrar hans eru Edda Lilja Hjalta-dóttir, frá Keflavík og Kristinn Jónas Björnsson frá Nýjabæ á Hofsósi. Hann er giftur Stuart Grahame Deville sem fæddur er í Lower Hutt á Nýja-Sjálandi. Þeir giftu sig í Ráðhúsinu í Kaupmannahöfn 2019. Þeir eru barnslausir en miklir dýravinir.Meira -
Afmælisveisla Hvatar er einmitt í dag!
feykir.is Austur-Húnavatnssýsla, Mannlíf, Lokað efni 23.11.2024 kl. 09.45Félagar í Ungmennafélaginu Hvöt á Blönduósi fagna í dag stórafmæli félagsins en í dag eru nákvæmlega 100 ár og tveir dagar frá stofnun þess árið 1924. Af þessu tilefni verður afmælishátíð í Íþróttamiðstöðinni á Blönduósi og hefst dagskráin kl. 13:00 og verður margt til gamans gert.Meira -
Eflum ferðaþjónustu í Norðvesturkjördæmi | Heiðdís Rós Eyjólfsdóttir skrifar
feykir.is Skagafjörður, Austur-Húnavatnssýsla, Aðsendar greinar, Vestur-Húnavatnssýsla 23.11.2024 kl. 09.45Ferðaþjónustan hefur verið ein af leiðandi ástæðum fyrir vaxtaþrótti íslensks samfélags undanfarin ár og eftirspurn eftir íslenskri ferðaþjónustu hefur vaxið af miklum krafti þótt jarðhræringarnar á Reykjanesskaga hafi leitt til ákveðinnar hnignunar. Þrátt fyrir allt hefur fjöldi erlendra ferðamanna á fyrstu níu mánuðum ársins verið lítillega yfir fjölda síðasta árs en fjöldi gistinátta hefur hins vegar dregist saman. Eins og kemur fram í þjóðhagsspá Hagstofunnar í nóvember er búist við því að fjöldi erlendra ferðamanna haldist stöðugur á næsta ári í 2,3 milljónum.Meira
Athugasemdir eru á ábyrgð þeirra sem þær skrá.
Feykir áskilur sér þó rétt til að eyða ummælum sem metin verða sem ærumeiðandi eða ósæmileg.
Smelltu hér til að tilkynna óviðeigandi athugasemdir.